Hansika Motwani | ഓരോ മിനിറ്റിനും അഞ്ചു ലക്ഷം രൂപ വേണമെന്ന് ഹൻസിക മോട്‍വാനിയുടെ അമ്മ; വെബ് സീരീസിൽ പുതിയ വെളിപ്പെടുത്തൽ

നടി ഹൻസിക മോട്‍വാനിയുടെ (Hansika Motwani) പ്രണയവും വിവാഹവും ഏറെ മാധ്യമശ്രദ്ധ നേടിയ സംഭവമാണ്. സൊഹെയ്ൽ കതൂരിയയാണ് ഹൻസികയുടെ ഭർത്താവ്. വിവാഹത്തിന്റെയും, പിന്നാമ്പുറ കാഴ്ചകളുടെയും, തയാറെടുപ്പുകളുടെയും വിശേഷങ്ങളുമായി 'ലവ്, ശാദി, ഡ്രാമ' എന്ന വെബ് സീരീസ് സ്ട്രീമിംഗ് ആരംഭിച്ചിരുന്നു. ഇതിൽ താരം തന്റെ വ്യക്തിപരമായ തയ്യാറെടുപ്പുകളും വിവാദങ്ങൾക്കുള്ള മറുപടിയും ഉൾപ്പെടുത്തിയിരുന്നു

വളരെ ചെറുപ്പത്തിലേ പിതാവിനെ നഷ്‌ടപ്പെട്ട ഹൻസിക, തന്നെ ഈ നിലയിലെത്തിച്ച അമ്മയോട് ഏറെ കടപ്പെട്ട മകളാണ്. 2022 ഡിസംബർ മാസത്തിലാണ് ഹൻസികയും സൊഹെയ്‌ലും വിവാഹിതരായത്. രാജസ്ഥാനിൽ വച്ചുള്ള രാജകീയ വിവാഹമായിരുന്നു ഇവരുടേത്. സീരീസ് പുറത്തിറങ്ങിയതും ഹൻസികയുടെ അമ്മയുടെ തീരെ വിചിത്രമായ ഒരു ഡിമാൻഡ് ചർച്ചയാവുകയാണ് (തുടർന്ന് വായിക്കുക)

മെഹന്ദി പോളോ, സംഗീത്, ഹൽദി ചടങ്ങുകൾ നിറഞ്ഞ പ്രീ-വെഡിങ് ആഘോഷങ്ങളോടെയായിരുന്നു ഹൻസികയുടെ വിവാഹത്തിന്റെ തുടക്കം. സ്വപ്നതുല്യമായ ചടങ്ങുകൾ ആയിരുന്നു വിവാഹത്തിന് നടന്നത് എങ്കിലും ഹൻസികയുടെ അമ്മ മോന ഒരു കാര്യത്തിൽ കർക്കശക്കാരിയായിരുന്നു

ഹൻസികയുടെ ഭർത്താവ് സൊഹെയ്‌ലിന്റെ കുടുംബം എല്ലാ ചടങ്ങുകളിലും വൈകിയെത്തിയിരുന്നു. അതേസമയം, ഹൻസികയും കൂട്ടരും ഏതു കാര്യത്തിലും കൃത്യസമയത്തെത്തുന്നവരും. ഇക്കാര്യം നടിയുടെ അമ്മ ചൂണ്ടിക്കാട്ടുകയും ചെയ്തു

വിവാഹത്തിനായി കുറിച്ചുകിട്ടിയത് വൈകിട്ട് നാലരയ്ക്കും ആറ് മണിക്കും ഇടയിലെ ശുഭമുഹൂർത്തമാണ്. വൈകി വന്നാൽ, വൈകുന്ന ഓരോ മിനിറ്റിനും അഞ്ചു ലക്ഷം രൂപ നൽകണമെന്ന് വരന്റെ കൂട്ടരോട് മോന നിർദേശംവച്ചു!

'ആ നിമിഷം സ്വപ്നതുല്യമായിരുന്നു. അത് എന്നെ വല്ലാതെ പിടികൂടി. എന്റെ സ്നേഹഭാജനത്തെ ഞാൻ വിവാഹം കഴിക്കുന്നു എന്നത് അപ്പോൾ തോന്നിയ ഏറ്റവും മികച്ച വികാരമായിരുന്നു. കാര്യങ്ങൾ യാഥാർത്ഥ്യമാവുകയാണ്. ഞാൻ വിവാഹിതയാവുന്നു. അതെങ്ങനെ വിശദീകരിക്കണമെന്ന് എനിക്കറിയില്ല' എന്നായിരുന്നു ഹൻസിക തന്റെ വിവാഹവേളയെക്കുറിച്ച് പറഞ്ഞത്

2022 നവംബർ മാസത്തിലാണ് ഹൻസിക സൊഹെയ്‌ലുമായുള്ള വിവാഹനിശ്ചയം പ്രഖ്യാപിച്ചത്. ഹൻസികയുടെ വിവാഹ സീരീസ് ഡിസ്‌നി പ്ലസ് ഹോട്ട്സ്റ്റാറിൽ പ്രദർശനം തുടരുന്നു