വിൻഡീസിന്റെ റൊമാരിയോ ഷെപ്പേർഡും ജേസൺ ഹോൾഡറും ചരിത്രം കുറിച്ചു; ടി20 ലോകകപ്പിലെ റെക്കോർഡ് കൂട്ടുകെട്ട്

ആദ്യം ബാറ്റിംഗിനിറങ്ങിയ വിൻഡീസ് നിരയെ കഗിസോ റബാഡയും (2/22) ലുങ്കി എംഗിഡിയും (3/30) ചേർന്ന് തകർത്തുവിട്ടു. 83 റൺസ് എടുക്കുന്നതിനിടെ ഏഴ് മുൻനിര വിക്കറ്റുകൾ നഷ്ടമായ വിൻഡീസ് കനത്ത തകർച്ചയെ അഭിമുഖീകരിക്കുകയായിരുന്നു. എന്നാൽ എട്ടാം വിക്കറ്റിൽ ഒന്നിച്ച ജേസൺ ഹോൾഡറും (31 പന്തിൽ 49) റൊമാരിയോ ഷെപ്പേർഡും (37 പന്തിൽ പുറത്താവാതെ 52) ചേർന്ന് വിൻഡീസിനെ കരകയറ്റി.

മത്സരത്തിന്റെ തുടക്കത്തിൽ ഷായ് ഹോപ്പും ബ്രാൻഡൺ കിംഗും ആക്രമിച്ചു കളിച്ചെങ്കിലും റബാഡയും എംഗിഡിയും തുടർച്ചയായി വിക്കറ്റുകൾ വീഴ്ത്തി. ഒരു ഘട്ടത്തിൽ 10 പന്തിനിടെ 4 വിക്കറ്റുകൾ നഷ്ടമായി വിൻഡീസ് 44/4 എന്ന നിലയിലായി. ക്യാപ്റ്റൻ റോവ്‌മാൻ പവലും ഷെർഫെയ്ൻ റുഥർഫോർഡും പെട്ടെന്ന് പുറത്തായതോടെ തകർച്ച പൂർണ്ണമായി.

തുടർന്നാണ് ഹോൾഡറും ഷെപ്പേർഡും രക്ഷാപ്രവർത്തനം നടത്തിയത്. മാർക്കോ യാൻസൻ എറിഞ്ഞ ഒരു ഓവറിൽ ഹോൾഡർ 22 റൺസാണ് അടിച്ചുകൂട്ടിയത്. ഇന്നിംഗ്സിലെ അവസാനത്തിന് തൊട്ടുമുമ്പത്തെ പന്തിൽ ഹോൾഡർ റണ്ണൗട്ടായെങ്കിലും, ഷെപ്പേർഡ് വിൻഡീസ് സ്കോർ 176-ൽ എത്തിച്ചു.

Summary: West Indies Romario Shepherd and Jason Holder created history during the ICC Men's T20 World Cup 2026 Super 8 match against South Africa. Recovering from a disastrous 83/7, the duo put on an 89-run partnership for the eighth wicket—the highest ever for that wicket in T20 World Cup history. Shepherd’s unbeaten 52 and Holder’s vital 49 helped West Indies reach a competitive total of 176/8 at the Narendra Modi Stadium after the top order collapsed against Rabada and Ngidi.