Suriya | ആ ദിവസങ്ങളിൽ സൂര്യ ഷൂട്ടിംഗ് നിർത്തിവയ്ക്കും : ജ്യോതികയുടെ വെളിപ്പെടുത്തൽ

വെള്ളിവെളിച്ചത്തിൽ പ്രിയ പ്രണയ താരജോഡികൾ എന്ന നിലയിൽ തുടങ്ങി ഭാര്യാ ഭർത്താക്കന്മാർ ആയി മാറുകയും വീണ്ടും സിനിമയിലേക്ക് മടങ്ങി വരികയും ചെയ്ത താരദമ്പതികളാണ് സൂര്യയും (Suriya) ജ്യോതികയും (Jyothika). വളർന്നു വന്ന സാഹചര്യവും പശ്ചാത്തലവും മാറ്റിവച്ച്, തമിഴ്നാടിന്റെ മരുമകളായി സൂര്യയുടെ കൈപിടിക്കാൻ തീരുമാനിക്കുകയായിരുന്നു ജ്യോതിക. അതും സൂര്യയുടെ പിതാവ് ശിവകുമാറിന്റെ കടുത്ത എതിർപ്പുകളെ തരണം ചെയ്ത ശേഷം മാത്രം

2006ൽ ആയിരുന്നു സൂര്യ - ജ്യോതിക വിവാഹം. പഞ്ചാബിൽ പിറന്ന സാധന, തെന്നിന്ത്യയിലേക്കു വിവാഹം ചെയ്തതും ജ്യോതിക ശരവണനായി മാറി. ഇവർക്ക് രണ്ടുമക്കളാണ്; മൂത്ത മകൾ ദിയയും ഇളയ മകൻ ദേവും. അടുത്തിടെയാണ് ഇവർ മുംബൈയിലേക്ക് താമസം മാറിയത്. ഭർത്താവെന്ന നിലയിൽ ജ്യോതിക സൂര്യയെ കുറിച്ച് പറഞ്ഞ വാക്കുകൾ ഇപ്പോൾ തരംഗമായി മാറുകയാണ്

നടൻ, ഭർത്താവ്, അച്ഛൻ തുടങ്ങിയ നിലകളിൽ സൂര്യ സമ്പൂർണൻ എന്നാണ് ജ്യോതിക നൽകുന്ന റിപ്പോർട്ട് കാർഡ്. ഇത്ര വർഷമായിട്ടും തമ്മിൽത്തമ്മിൽ ഒരു വഴക്കുപോലും ഉണ്ടായിട്ടില്ല എന്ന് ജ്യോതിക

വൈകിട്ട് ആറ് മണിക്ക് സൂര്യ വീട്ടിൽ വന്നാൽ പിന്നെ അച്ഛനും ഗൃഹനാഥനുമാണ്. കുട്ടികൾക്കൊപ്പം കളിക്കുകയും, അവർക്കു ഭക്ഷണം നൽകുകയും ചെയ്യും. അവരെ സിനിമയ്ക്ക് കൊണ്ടുപോകും

കുട്ടികളുടെ സ്കൂളിലെ സ്പോർട്സ് ഡേ അല്ലെങ്കിൽ ആനുവൽ ഡേ പോലുള്ളവ വന്നാൽ അത് പ്രത്യേകം കലണ്ടറിൽ മാർക്ക് ചെയ്യും. ആ ദിവസങ്ങളിൽ സൂര്യ ഷൂട്ടിംഗ് വേണ്ടെന്നു വയ്ക്കും

മക്കളായ ദിയ, ദേവ് എന്നിവർക്കൊപ്പം ജ്യോതിക. അടുത്തിടെ മുംബൈയിലേക്ക് താമസം മാറിയതും കുട്ടികളുടെ വിദ്യാഭ്യാസവും ഇവിടുത്തെ സ്കൂളിലേക്ക് മാറ്റിയെന്ന് റിപ്പോർട്ട് ഉണ്ടായിരുന്നു

വിവാഹനാളിൽ സൂര്യയും ജ്യോതികയും. ഒരുപിടി തമിഴ് സിനിമകളിൽ ഇവർ ജോഡികളായി വേഷമിട്ടിട്ടുണ്ട്. ഇതിൽ 'കാക്കാ കാക്കാ' സൂപ്പർഹിറ്റ് ആയിരുന്നു