Kalyani Priyadarshan| 'സിൻഡ്രല്ല ഫ്രം കേരള' ; സാരിയിൽ അതീവ സുന്ദരിയായി കല്യാണി പ്രിയദർശൻ

തെന്നിന്ത്യൻ സിനിമാപ്രേമികൾക്ക് ഏറെ പ്രിയപ്പെട്ട താരമാണ് കല്യാണി പ്രിയദർശൻ. അച്ഛനും അമ്മയും സിനിമയിൽ സംവിധായകനും നായികയും ആയിരുന്നതിനാൽ കല്യാണിയ്ക്ക് സിനിമയിലേക്ക് വളരെ വേ​ഗത്തിൽ എത്താമായിരുന്നു. എന്നാൽ, സിനിമയിൽ നിലനിൽപ് വളരെ പ്രശ്നമുള്ളതായിരുന്നു.

സിനിമയിലെ നിലനിൽപ് പൊരുതി നേടിയതാണെന്ന് കല്യാണി തന്നെ സമ്മതിച്ചിട്ടുണ്ട്. കഴിഞ്ഞ ഒരു വർഷമായി സിനിമയിൽ ഇടവേള എടുത്തിരിക്കുകയാണ് കല്യാണി. സിനിമയിൽ സജീവമല്ലെങ്കിലും നടിയുടെ ഓരോ വിശേഷങ്ങളും സോഷ്യൽമീഡിയയിലൂടെ അറിയിക്കാറുണ്ട്. കൂടാതെ, ചിത്രങ്ങളും നടി പങ്കുവയ്ക്കാറുണ്ട്.

ഇൻസ്റ്റഗ്രാമിൽ പുതിയ ചിത്രങ്ങൾ ആരാധകർക്കായി പങ്കിട്ടിരിക്കുകയാണ് കല്യാണി. മഞ്ഞ നിറത്തിലുള്ള സാരിയും മൾട്ടി കളറിലുള്ള ബ്ലൗസുമാണ് കല്യാണി അണിഞ്ഞിരിക്കുന്നത്.

ചിത്രങ്ങൾ പങ്കുവച്ചതിന് പിന്നാലെ നിരവധിപേരാണ് കല്യാണിയ്ക്ക് പ്രശംസയുമായി എത്തിയത്. ക്യൂട്ടായിട്ടുണ്ട്, സിൻഡ്രല്ല ഫ്രം കേരള, എന്തോരു ഭം​ഗി എന്നിങ്ങനെയുള്ള കമന്റുകളാണ് ചിത്രത്തിന് താഴെ വരുന്നത്.

ദിവസങ്ങൾക്ക് മുമ്പായിരുന്നു കല്യാണിയുടെ 32-ാം പിറന്നാൾ. കല്യാണിയുടെ പിറന്നാൾ ആഘോഷിക്കുന്ന ചിത്രം പ്രിയദർശൻ പങ്കുവച്ചിരുന്നു.

ചോക്ലേറ്റ് കേക്കിന് മുന്നിൽ നിറ ചിരിയുമായി ഇരിക്കുന്ന കല്യാണിയേയും സമീപത്തായി സഹോദരൻ സിദ്ധാർത്ഥിനേയും ഭാര്യ മെർലിനേയും പ്രിയദർശനേയും  ചിത്രത്തിൽ കാണാമായിരുന്നു.