Namitha Pramod | സ്നേഹമുണ്ട്, എന്നുംകരുതി... പിറന്നാൾ ആശംസയിൽ നമിതയുടെ അനുജത്തിയുടെ രസകരമായ മറുപടി

നടി നമിത പ്രമോദിന്റെ (Namitha Pramod)അനുജത്തിയാണ് അഖിത പ്രമോദ്. അച്ഛനും അമ്മയ്ക്കും രണ്ട് പെണ്മക്കൾ മാത്രം. അനുജത്തിക്ക് 22 വയസ്സ് തികഞ്ഞു. ഈ വേളയിൽ മനോഹരമായ ഒരു പിറന്നാൾ കുറിപ്പ് പോസ്റ്റ് ചെയ്യുകയാണ് നമിത. കുട്ടിക്കാലത്ത് പാപ്പു, പാറു എന്ന് ഓമനപ്പേരുള്ള ഇവർ ദുബായിലെ അച്ഛന് കത്തെഴുതുന്ന ശീലം ഉണ്ടായിരുന്നു. നമിത ഇക്കാര്യം അടുത്തിടെ പോസ്റ്റ് ചെയ്തിരുന്നു

അമ്മ വീണ്ടും ഗർഭിണിയായപ്പോൾ അനുജനെയാണ് നമിത പ്രതീക്ഷിച്ചത്. നാല് വയസ്സുള്ള താൻ അനുജൻ പിറക്കുന്നതാണ് അക്കാലത്ത് സ്വപ്നം കണ്ടിരുന്നത്. എന്നാൽ അനുജത്തിയെ കണ്ടതും നിരാശയായിരുന്നു ഫലം എന്ന് നമിത. അനിയത്തിയുടെ വില മനസ്സിലാക്കി തുടങ്ങിയത് അവൾ നടക്കാൻ തുടങ്ങിയത് മുതലാണ് (തുടർന്ന് വായിക്കുക)

അന്ന് മുതൽ തങ്ങൾക്കിടയിലെ അടുപ്പം ദിനംപ്രതി വർധിച്ചു. ജീവിതത്തിലെ കഠിനമേറിയതും സന്തോഷം നിറഞ്ഞതുമായ ഘട്ടങ്ങളിൽ ഒന്നിച്ചു നിന്നു. ടി.വി. റിമോട്ടിനും ചിക്കൻ ലെഗ് പീസിനും വേണ്ടി വഴക്കിട്ടു, യു.കെ.യിലെ അനുജത്തിയുടെ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്യാൻ നിരന്തരം നിർബന്ധിച്ചു

അച്ഛന്റെയും അമ്മയുടെയും മുന്നിൽ പിടിക്കപ്പെട്ടപ്പോൾ പരസ്പരം സുരക്ഷിതരാക്കി. ഒരേ വസ്ത്രങ്ങൾ ഷെയർ ചെയ്തിരുന്നതിനാൽ, അനുജത്തി ഇന്ത്യ വിട്ടതും തന്റെ അലമാര കാലിയായി. എന്റെ വളകളിലും ലിപ്സ്റ്റിക്കിലും നീ കൈവയ്ക്കുമ്പോൾ ഞാൻ അലോസരപ്പെട്ടിരുന്നു എന്ന് നിനക്കറിയാം. നിന്റെ ലൈക്ര ഷോർട്ട്സ് ഞാൻ ഇടുമ്പോഴും നിന്റെ ശുചിമുറി ഞാൻ ഉപയോഗിക്കുമ്പോഴും നിന്റെ സ്വസ്ഥതയും നഷ്‌ടപ്പെട്ടിരുന്നു എന്ന് നമിത

എനിക്ക് ഓർമയുള്ള കാലം മുതൽ യുകെയിൽ പോയി  ജീവിച്ചുകാട്ടുന്നതായിരുന്നു നിന്റെ സ്വപ്നം. എന്റെ കുഞ്ഞേ, നീ ആഗ്രഹിച്ച ജീവിതം തിരഞ്ഞെടുത്തതിനും ജീവിതത്തിലെ ഓരോ ചുവടും ജാഗ്രതയോടെ മുന്നോട്ടുവെക്കുന്നതിലും ഞാൻ അഭിമാനിക്കുന്നു

ഞാൻ ഇതുവരെ കണ്ടിട്ടുള്ളതിൽ വച്ച് ഏറ്റവും ദയാലുവും നിസ്വാർത്ഥയുമായ വ്യക്തിയാണ് നീ. നീ എന്റെ മകളും, സഹോദരിയും, ഏറ്റവും അടുത്ത സുഹൃത്തും, എന്റെ ലോകവുമാകുന്നു

നീ ഇന്ത്യ വിട്ടതിനാൽ ഒരു ചിക്കൻ ലെഗ് പീസിനു വേണ്ടി എന്നോടൊപ്പം വഴക്കിടാൻ ആരുമില്ല. ഞാൻ നിന്റെ എല്ലാ ബാഗി ഷോർട്ട്സും ധരിക്കുകയും ശുചിമുറി  ഉപയോഗിക്കുകയും ചെയ്യുന്നു എന്ന് നമിത. പക്ഷെ അനുജത്തി ഇതിന് നല്ല രസമുള്ള മറുപടിയാണ് നൽകിയത്

ചേച്ചിക്ക് 'താങ്ക് യു' പറഞ്ഞ ശേഷം 'ദയവായി എന്റെ ശുചിമുറിയും ഷോർട്ട്സും ഉപയോഗിക്കരുത്. ഞാൻ നിന്നെ സ്നേഹിക്കുന്നു' എന്നാണ് അനുജത്തി നൽകിയ മറുപടി

എന്നാൽ ഇപ്പോൾ അമ്മ ഭക്ഷണം ഉണ്ടാക്കുമ്പോൾ ചിക്കൻ ലെഗ് പീസ് കഴിക്കാനുള്ള ഭാഗ്യക്കുറി അടിച്ചത് തനിക്കാണെന്ന് പറഞ്ഞ് നമിത സ്നേഹത്തോടെ പ്രതികരിക്കുകയും ചെയ്തു