അന്ന് ബാലയുടെ മുന്നിൽ നൃത്തമാടിത്തകർത്ത കുട്ടി; ഇന്ന് മലയാളത്തിന് ഈ താരം പ്രിയങ്കരൻ

മലയാള സിനിമയ്ക്ക് നർത്തകിമാരായ നടിമാരുടെ എണ്ണത്തിൽ പഞ്ഞമില്ലെന്നത് പകൽപോലെ വ്യക്തം. ബ്ലാക്ക് ആൻഡ് വൈറ്റ് കാലം മുതൽ ഇന്നു വരെ നന്നായി നൃത്തം ചെയ്യുന്ന നായികമാർ അത്രകണ്ട് മലയാള സിനിമയിൽ വന്നു പോയിട്ടുണ്ട്. നടന്മാരുടെ കാര്യം അങ്ങനെയല്ല. നർത്തകന്മാർ കൂടിയായായവരുടെ എണ്ണമെടുക്കാൻ പറഞ്ഞാൽ രണ്ടുവട്ടം ആലോചിച്ചാലേ അതാരെല്ലാമെന്നു മനസ്സിൽ ഓർത്തെടുക്കാൻ സാധിക്കൂ. അമൃതാ ടി.വിയുടെ നൃത്ത പരിപാടിയിൽ നൃത്തമാടി തകർക്കുന്ന ഈ കുട്ടി ഇന്ന് മലയാളത്തിന്റെ പ്രിയ നടനാണ്

നടൻ ബാല അന്ന് ഗസ്റ്റ് ആയി പങ്കെടുത്ത പരിപാടിയിലാണ് ഈ കുട്ടിയുടെ നൃത്തം. സ്റ്റേജിൽ ക്ലാസിക്കൽ നൃത്തമാണ് അവതരിപ്പിക്കുന്നത്. ശിവദം ശിവനാമം... എന്നാരംഭിക്കുന്ന പാട്ടിനാണ് നൃത്തം. മലയാള സിനിമയിൽ വന്നതിൽപ്പിനെ അടിപൊളി നൃത്തം അവതരിപ്പിക്കുന്നതിന്റെ പേരിലാണ് നടൻ അറിയപ്പെട്ടു തുടങ്ങിയതെന്ന് മാത്രം. അമൃതാ ടി.വിയുടെ ശേഖരത്തിൽ നിന്നുമാണ് ഈ വീഡിയോ പുറത്തുവന്നത് (തുടർന്ന് വായിക്കുക)

നടൻ നീരജ് മാധവും അനുജൻ നവനീതും നർത്തകന്മാർ എന്ന നിലയിലാണ് ആദ്യം പ്രേക്ഷകരുടെ ഇടയിലേക്ക് ഇറങ്ങിവന്നത്. നൃത്ത റിയാലിറ്റി ഷോകൾ ട്രെൻഡ് ആവാൻ ആരംഭിച്ച നാളുകളിലായിരുന്നു ഇവരുടെ കടന്നുവരവ്

അനൂപ് മേനോൻ വേഷമിട്ട 'ബഡ്ഡി'യാണ് നീരജ് മാധവിന്റെ ആദ്യ ചിത്രം. ഓഡിഷൻ വഴിയാണ് നീരജ് മാധവ് ഈ ചിത്രത്തിന്റെ ഭാഗമായത്. ഇതിനു ശേഷം മെമ്മറീസ്, ദൃശ്യം സിനിമകളിലേക്ക് ജീത്തു ജോസഫ് ക്ഷണം നൽകി

സപ്തമശ്രീ തസ്കരാ എന്ന സിനിമയിൽ തുടങ്ങി നീരജ് മാധവ് പ്രധാനറോളുകളിലേക്ക് ചുവടുമാറ്റി. ഒരു വടക്കൻ സെൽഫി എന്ന ചിത്രത്തിലൂടെ സിനിമയിലെ ഡാൻസ് കൊറിയോഗ്രാഫർ ആയും നീരജ് തന്റെ പേര് രേഖപ്പെടുത്തി

പോയവർഷം നീരജ് മാധവിന് മലയാള സിനിമയിൽ ഒരു ഹിറ്റ് രേഖപ്പെടുത്താൻ സാധിച്ചു. ആർ.ഡി.എക്സ്. എന്ന ചിത്രത്തിൽ വേഷമിട്ട മൂന്നു യുവനായകൻമാരിൽ ഒരാൾ നീരജ് മാധവായിരുന്നു

'ഫാമിലി മാൻ' എന്ന വെബ് സീരീസിലും നീരജ് പ്രശംസ പിടിച്ചുപറ്റി. 'വർഷങ്ങൾക്ക് ശേഷം' എന്ന പ്രണവ് മോഹൻലാൽ, വിനീത് ശ്രീനിവാസൻ ചിത്രത്തിലും നീരജ് ഒരു ശ്രദ്ധേയവേഷം ചെയ്യും എന്ന് വാർത്തയുണ്ട്

കോഴിക്കോട് സ്വദേശിയായ ദീപ്തിയാണ് നീരജിന്റെ ഭാര്യ. ദമ്പതികൾക്ക് ഒരു മകളുണ്ട്