വീണയെ ഊഞ്ഞാലാട്ടി റിയാസ്; വൈറലായി മന്ത്രിയുടെ ഓണചിത്രം

എല്ലാവർക്കും ഓണാശംസകൾ നേർന്നു മന്ത്രി പി.എ.മുഹമ്മദ് റിയാസ് സമൂഹമാധ്യമത്തിൽ പങ്കുവച്ച കുടുംബചിത്രം വൈറലാകുന്നു.

ഭാര്യവീണ വിജയനെ ഊഞ്ഞാലാട്ടുന്ന ചിത്രമാണു മന്ത്രി പങ്കുവച്ചത്.

പൂക്കൾ കൊണ്ട് അലങ്കരിച്ചിരിക്കുന്ന  ഊഞ്ഞാലിലാണു വീണ ഇരിക്കുന്നത്. റിയാസ് തൊട്ടുപിന്നിൽ നിൽക്കുന്നതുമാണു ചിത്രം. നീല തീമിലുള്ള പുതുവസ്ത്രമാണ് ഇരുവരും അണിഞ്ഞിരിക്കുന്നത്.

ഇരുവരും സന്തോഷത്തോടെ ചിരിക്കുന്ന മനോഹര ചിത്രത്തിനൊപ്പം ‘ഓണാശംസകൾ’ എന്നും എഴുതിയിട്ടുണ്ട്.

മന്ത്രികുടുംബത്തിന് ആശംസകൾ അറിയിച്ച് നിരവധി പേരാണ് സമൂഹമാധ്യമത്തിൽ എത്തിയത്.