Pearle Maaney |' വിവാഹത്തിന് എത്താൻ കഴിഞ്ഞതിൽ സന്തോഷം'; ജി പിയുടെ കല്യാണത്തിനു പേളിയുടെ ഹൈടക്ക് എൻട്രി

മലയാളികളുടെ ഇഷ്ടതാരങ്ങളായ ​ഗോവിന്ദ് പത്മസൂര്യയും ​ഗോപികയും വിവാഹിതരായി. തൃശൂർ വടക്കുംനാഥ ക്ഷേത്രത്തിൽ വച്ചായിരുന്നു വിവാഹം. അടുത്ത ബന്ധുക്കളേയും വടക്കുംനാഥനേയും സാക്ഷിയാക്കിയാണ് ജിപി ​ഗോപികയുടെ കഴുത്തിൽ താലി ചാർത്തിയത്.

വിവാഹ ചിത്രങ്ങൾ പങ്കുവച്ച് താരദമ്പതികൾ തന്നെയാണ് സന്തോഷ വാർത്ത ആരാധകരെ അറിയിച്ചത്. അടുത്ത ബന്ധുക്കളുടെ സാനിധ്യത്തിൽ ​ഗോപികയെ ചേർത്ത് നിർത്തി നിൽക്കുന്ന ​ഗോവിന്ദ് പത്മസൂര്യയുടെ ചിത്രങ്ങളാണ് സോഷ്യൽമീഡിയ മുഴുവൻ.

പ്രിയതാരങ്ങളുടെ വിവാഹത്തിന് സുഹൃത്തുക്കളും സിനിമ-സീരിയല്‍ താരങ്ങളുമായ നിരവധി പ്രമുഖര്‍ എത്തിയിരുന്നു. എല്ലാവരുടെ ചിത്രങ്ങളും വീഡിയോകളുമാണ് സമൂഹ മാധ്യമത്തിൽ വൈറലാകുന്നത്.

എന്നാൽ ഇതിനിടെയിൽ ആരാധകർ തിര‍ഞ്ഞത് പേളി മാണിയെയായിരുന്നു. ജി പി പേളി കോമ്പോ ആരാധകർക്കിടയിൽ ഹിറ്റായിരുന്നു. അതുകൊണ്ട് തന്നെ പേളി ഇല്ലാത്ത് ഒരു കല്യാണം ആരാധകർക്ക് ചിന്തിക്കാൻ പോലും പറ്റില്ല.

എന്നാൽ ഇപ്പോഴിതാ പേളി വിവാഹത്തിനെത്തിയ വാര്‍ത്തയാണ് പുറത്ത് വരുന്നത്. പേളിയും ഇൻസ്റ്റാഗ്രാമിലൂടെ പങ്കുവച്ചത്. പേളിയുടെ ഫോട്ടോ എഡിറ്റ് ചെയ്ത് വിവാഹ ഫോട്ടോയിൽ ഉൾപ്പെടുത്തിയാണ് വിവാഹത്തിനു താനും എത്തിയെന്ന് താരം പറഞ്ഞത്.

നിങ്ങൾ രണ്ടുപേര്‍ക്കും സന്തോഷകരമായ വിവാഹജീവിതം ആശംസിക്കുന്നു എന്ന് കുറിച്ചാണ് പോസ്റ്റ്. കൂടാതെ 'ഒരു കുഞ്ഞ് ജനിച്ച് കുറച്ച് ദിവസങ്ങൾക്ക് ശേഷം എനിക്ക് വിവാഹത്തിന് എത്താൻ കഴിഞ്ഞതിൽ എനിക്ക് സന്തോഷമുണ്ട്. …

അതാണ് ഡാ സൗഹൃദം. ഇത് ഫോട്ടോഷോപ്പ് ചെയ്തതാണെന്ന് വെറുക്കുന്നവർ പറയുമെന്നും എനിക്കറിയാം... എനിക്ക് കുഴപ്പമില്ല പക്ഷെ ഞാൻ സാരി ധരിക്കാത്തതിൽ ഖേദിക്കുന്നു..' എന്ന് കുറിച്ചാണ് ചിത്രം പോസ്റ്റ് ചെയ്തിരിക്കുന്നത്.