രണ്ടാമത്തെ കുഞ്ഞിനെ വരവേല്‍ക്കാന്‍ ഒരുങ്ങി പേളിഷ്; പ്രിയപ്പെട്ടവർക്കൊപ്പം വളകാപ്പ് ആഘോഷമാക്കി താരദമ്പതികൾ

മലയാളികളുടെ പ്രിയ താരദമ്പതികളാണ് ശ്രീനിഷും പേർളി മാണിയും. ചാനൽ റിയാലിറ്റി ഷോയിലൂടെ മൊട്ടിട്ട പ്രണയം ഇരുവരെയുമെന്ന പോലെ പ്രേക്ഷകരെയും സന്തോഷിപ്പിച്ചിരുന്നു.

 ഇതിനു പിന്നാലെ ഇരുവരുടെയും ജീവിതത്തിലെ ആഘോഷം മലയാളികൾ ഇരു കൈയും നീട്ടിയാണ് സ്വീകരിച്ചത്. ഇപ്പോഴിതാ പുതിയ ഒരു കുഞ്ഞ് അതിഥി കൂടി കുടുംബത്തിലേക്ക് വരുന്നതിന്റെ ത്രില്ലിലാണ് പേളി മാണിയും കുടുംബവും.

ഇതിന്റെ ഒരോ വിശേഷങ്ങളും താരം തന്നെയാണ് സമൂഹ മാധ്യമങ്ങളിലൂടെ പങ്കുവയ്ക്കുന്നുണ്ട്. ഇപ്പോഴിതാ താരത്തിന്റെ വളകാപ്പ് ചടങ്ങിന്റെ ആഘോഷചിത്രങ്ങളാണ് താരം പങ്കിട്ടത്.

ഏഴാം മാസത്തിൽ നടത്തപ്പെടാറുള്ള വളകാപ്പ് ചടങ്ങിൽ പങ്കെടുക്കാൻ പേളിയുടെ ഭർത്താവും നടനുമായ ശ്രീനിഷിന്റെ കുടുംബവും ബന്ധുക്കളും പേളിയുടെ ബന്ധുക്കളും സുഹൃത്തുക്കളുമെല്ലാം എത്തിച്ചേർന്നിരുന്നു.

ചുവപ്പും പച്ചയും കലർന്ന സാരി ധരിച്ച് മണവാട്ടിയെ പോലെ അണിഞ്ഞൊരുങ്ങിയാണ് പേളി മാണിചടങ്ങിന് എത്തിയത്. പിങ്ക് നിറത്തിലുള്ള കുർത്തയും കസവ് മുണ്ടുമായിരുന്നു ശ്രീനിഷിന്റെ വേഷം. പച്ചയും ചുവപ്പും കലർന്ന സ്കേർട്ടും ടോപ്പുമായിരുന്നു നിലയുടെ വേഷം.

മധുരം നൽകിയും പനിനീര് തളിച്ചും എല്ലാവിധ ആശംസകളും നേരുന്ന കുടുംബങ്ങളും താരത്തിൻരെ കൂടെ തന്നെയുണ്ട്.

'ഞങ്ങള്‍ വീണ്ടും വിവാഹിതരായി' എന്ന് തമാശരൂപേണ കുറിച്ചാണ് പേളി ശ്രീനിഷിനൊപ്പമുള്ള ചിത്രങ്ങള്‍ ഇന്‍സ്റ്റഗ്രാമിലൂടെ പങ്കുവച്ചത്. സെലിബ്രിറ്റി മേക്കപ്പ് ആർട്ടിസ്റ്റായ രഞ്ജു രഞ്ജിമാറാണ് പേളിയെ ഒരുക്കിയത്.

യൂട്യൂബ് ചാനലിലൂടെയായും പേളി തന്‍റെ വിശേഷങ്ങള്‍ പങ്കുവയ്ക്കാറുണ്ട്. രണ്ടാമതും ഗര്‍ഭിണിയാണെന്ന് യൂട്യൂബ് ചാനലിലൂടെ തന്നെയാണ് പേളി ആരാധകരെ അറിയിച്ചത്.

ബിഗ് ബോസിലൂടെ പരിചയപ്പെടുകയും പ്രണയത്തിലാകുകയും ചെയ്ത ശ്രീനിഷും പേർളി മാണിയും 2018 ഡിസംബർ 22ന് വിവാഹിതരാകുകയായിരുന്നു.