Ram Charan and Upasana| കോളേജ് കാലം മുതലുള്ള പരിചയം, പിന്നെ പ്രണയം, വിവാഹം; രാം ചരൺ-ഉപാസന ലൗവ് സ്റ്റോറി

തെന്നിന്ത്യൻ സിനിമയിലെ പവർ കപ്പിളാണ് രാം ചരണും ഉപാസനയും. തെലുങ്ക് സിനിമയിൽ നിന്നും ഇന്ത്യ മുഴുവനും ഓസ്കാർ വേദിയിലും അടക്കം രാം ചരൺ തിളങ്ങിയപ്പോൾ കരുത്തായി ഉപാസനയും കൂടെയുണ്ടായിരുന്നു.

2012 ലായിരുന്നു ഉപാസനയും രാം ചരണും വിവാഹിതരായത്. വിവാഹം കഴിഞ്ഞ് പത്ത് വർഷം പിന്നിടുമ്പോൾ ഇരുവരും ആദ്യത്തെ കൺമണിക്കായുള്ള കാത്തിരിപ്പിലാണ്.

കോളേജ് കാലം മുതൽ അടുത്തറിയാവുന്ന സുഹൃത്തുക്കളാണ് രാം ചരണും ഉപാസനയും. ചെറിയ പരിചയത്തിൽ നിന്നും അടുത്ത സുഹൃത്തുക്കളും പിന്നീട് പ്രണയവും അത് വിവാഹത്തിലേക്കും എത്തിയ സിനിമാ സ്റ്റൈൽ പ്രണയകഥയും ഇവർക്കുണ്ട്.

കോളേജ് കാലത്താണ് ഇരുവരും പരിചയപ്പെടുന്നത്. പിന്നീട് അടുത്ത സുഹൃത്തുക്കളായെങ്കിലും സൗഹൃദത്തിനും അപ്പുറത്തുള്ള ഇഷ്ടം പരസ്പരം ഉണ്ടെന്ന് ഇരുവരും തിരിച്ചറിഞ്ഞത് വളരെ വൈകിയാണെന്ന് ഉപാസന ഒരു അഭിമുഖത്തിൽ പറഞ്ഞിരുന്നു.

ഉപാസനയോട് പ്രണയമുണ്ടെന്ന് താൻ തിരിച്ചറിഞ്ഞത് മഗധീര എന്ന സിനിമയുടെ ചിത്രീകരണ സമയത്താണെന്ന് രാം ചരണും മുമ്പൊരിക്കൽ പറഞ്ഞിട്ടുണ്ട്. ഉപാസനയെ കാണാതാരിക്കാൻ കഴിയില്ലെന്ന് മനസ്സിലായത് സിനിമയുടെ ലൊക്കേഷനിൽ വെച്ചാണ്.

എങ്കിലും പ്രണയം തുറന്നു പറയാൻ സിനിമയുടെ റിലീസ് വരെ രാംചരൺ കാത്തിരുന്നു. മഗധീര റിലീസ് ആയതിനു ശേഷമാണ് ഇരുവരും ഡേറ്റിങ് ആരംഭിച്ചത്.

വിവാഹത്തിന് ഇരുവരുടേയും വീട്ടുകാർ കൂടി പച്ചക്കൊടി കാണിച്ചതോടെ ആർഭാഢപൂർവം വിവാഹം നടന്നു. 2012 ജൂൺ 14 നായിരുന്നു വിവാഹം.