'ലൗകീക ജീവിതത്തിൽ നിന്നും രക്ഷനേടാനുള്ള വഴി'; സദ്​ഗുരുവിന്റെ ഇഷ ഫൗണ്ടേഷനിൽ ധ്യാനനിമഗ്നയായി സാമന്ത

ആരാധകർ ഏറെയുള്ള പ്രിയ താരമാണ് നടി സാമന്ത റൂത്ത് പ്രഭു. താരമിപ്പോള്‍ സിനിമകളില്‍ നിന്ന് ഇടവേളയെടുത്തിരിക്കുകയാണ്. എന്നാൽ സോഷ്യല്‍ മീഡിയയിൽ സജീവമായ താരം തന്റെ എല്ലാ വിശേഷങ്ങളും സോഷ്യൽ മീഡിയയിലൂടെ പങ്കുവയ്ക്കാറുണ്ട്.

 ഇപ്പോഴിതാ ധ്യാനനിമഗ്നയായി സാമന്തയുടെ ചിത്രമാണ് സോഷ്യൽ മീഡിയയിൽ വൈറലായി മാറിയിരിക്കുന്നത്. സദ്​ഗുരുവിന്റെ ഇഷ ഫൗണ്ടേഷനിലാണ് താരം ധ്യാനം നടത്തുന്നത്. ധ്യാനത്തിൽ പങ്കെടുത്തിന്റെ ചിത്രങ്ങളും സാമന്ത സമൂഹമാദ്ധ്യമങ്ങളിൽ പങ്കുവച്ചു.

ലൗകിക ജീവിതത്തിൽ നിന്നും രക്ഷനേടാനുള്ള വഴിയെന്നാണ് ചിത്രങ്ങൾ പങ്കുവച്ചുകൊണ്ട് നടി കുറിച്ചത്. കോയമ്പത്തൂരിലെ ഇഷ ഫൗണ്ടേഷനിലാണ് താരം ധ്യാനത്തിനായെത്തിയത്.

‘‘നമ്മളിൽ പലരും ഒരു ഗുരുവിനെയോ ഉപദേശകനെയോ തിരയുന്നു. നിങ്ങളുടെ ജീവിതത്തെ പ്രകാശമാനമാക്കാനുള്ള തീവ്രതയും ധാരണയും അനുകമ്പയും ഉള്ള ഒരാളെ നിങ്ങൾ കണ്ടെത്തുമ്പോൾ, അത് ഒരു അപൂർവ പദവിയാണ്.

ജ്ഞാനത്തിന്റെ ഒരു അംശം വേണമെങ്കിൽ, നിങ്ങൾ ലോകത്തിൽ തിരയണം. ദൈനംദിന കാര്യങ്ങൾ നിങ്ങളുടെ നേരെ വരുന്നതിനാൽ, അത് എളുപ്പമായിരിക്കുന്നു. നിങ്ങൾ ചിന്തിക്കുന്നു... ഇത് സാധാരണമാണെന്ന് നിങ്ങൾ കരുതുന്നു. ഇത് സാധാരണമല്ല.

 അതിനായി കഠിനാധ്വാനം ചെയ്യണം.മാത്രമല്ല അറിഞ്ഞാൽ മാത്രം പോരാ. ഈ അറിവ് നടപ്പിലാക്കുക എന്നതാണ് യഥാർത്ഥത്തിൽ പ്രധാനം- സാമന്ത കുറിച്ചു.