Govind Padmasoorya | ചേച്ചിയുടെ താലിക്കെട്ടിന് കണ്ണീര്‍പൊഴിച്ച് കുഞ്ഞനിയത്തി; ജിപി ഗോപിക വിവാഹത്തിലെ വൈറല്‍ നിമിഷങ്ങൾ

 ആരാധകരുടെ പ്രിയ താരങ്ങളാണ് ഗോപിക അനിലും ​ഗോവിന്ദ് പത്മസൂര്യയും. ഇന്ന് തൊട്ട് അവർ മലയാളികളുടെ പ്രിയ താരദമ്പതികളാണ്. വടക്കുനാഥന് മുന്നിൽ ഗോപികയ്ക്ക് താലി ചാർത്തിയിരിക്കുകയാണ് ഗോവിന്ദ് പത്മസൂര്യ.

അടുത്ത ബന്ധുക്കളുടെ സാനിധ്യത്തിൽ ​ഗോപികയെ ചേർത്ത് നിർത്തി നിൽക്കുന്ന ​ഗോവിന്ദ് പത്മസൂര്യയുടെ ചിത്രങ്ങളാണ് സോഷ്യൽമീഡിയ മുഴുവൻ.

താരദമ്പതികളുടെ വിവാഹ വിശേഷങ്ങള്‍ ഉടൻ തന്നെ ഇരുവരുടെയും സോഷ്യൽ മീഡിയ വഴി പങ്കുവയ്ക്കുന്നുണ്ട്.

 ഇതിനിടെയിൽ ഗോപിക അനിൽ പങ്കുവച്ച വീഡിയോ ആണ് ഇപ്പോൾ വൈറലായിരിക്കുന്നത്. വിവാഹ സമയത്ത് ഗോപികയുടെ സഹോദരി കരയുന്ന വീഡിയോയാണ് വൈറലായിരിക്കുന്നത്.

 കീർത്തന അനിലിനെ ഗോപികയും ജിപിയും കെട്ടിപ്പിടിക്കുന്ന ദൃശ്യങ്ങളും വീഡിയോയിൽ കാണാം.

കസവ് സാരിയും മുലപ്പൂവും മിനിമൽ ആഭരണങ്ങളും സിംപിൾ മേക്കപ്പുമാണ് താലികെട്ടിനായി ​ഗോപിക തെരഞ്ഞെടുത്തത്. കസവ് മുണ്ടും നേരിയതുമായിരുന്നു ജിപിയുടെ വേഷം.

 ഗോപികയുടെയും ജിപിയുടെയും ഇരുകുടുംബങ്ങളും താലികെട്ടിൽ പങ്കെടുക്കാൻ കേരള തനിമയുള്ള വസ്ത്രം ധരിച്ചാണ് എത്തിയത്.