ജീവനക്കാർക്ക് ആശ്വാസം; മാസ്കും സാനിറ്റൈസറുമായി സ്ട്രിപ്പ് ക്ളബ്ബുകൾ തുറന്നു

കോവിഡ് ഭീതിക്കിടെ അടച്ചുപൂട്ടിയ പടിഞ്ഞാറൻ അമേരിക്കയിലെ സ്ട്രിപ്പ് ക്ളബ്ബുകൾ വീണ്ടും സജീവമായി തുടങ്ങി. വയോമിംഗ് എന്ന സ്ഥലത്തെ സ്ട്രിപ്പ് ക്ലബ്ബാണ് തുറന്നത്. എന്നാൽ സർക്കാർ മുന്നോട്ട് വയ്ക്കുന്ന ഇനിപ്പറയുന്ന മാനദണ്ഡങ്ങൾ അനുസരിച്ച് വേണം ഇവ പ്രവർത്തിക്കാൻ

ഇവിടെ പരിപാടി അവതരിപ്പിക്കുന്ന സ്ത്രീകൾ കർശനമായും മാസ്ക് ധരിച്ചിരിക്കണം. എന്നാൽ ഇവരുടെ വസ്ത്രധാരണത്തിൽ പ്രത്യേകിച്ച് മാറ്റമൊന്നുമില്ല. സാമൂഹിക അകലം പാലിച്ചുവേണം പണിയെടുക്കാൻ.

വയോമിംഗ്-കൊളറാഡോ അതിർത്തിയിൽ ആദ്യം തുറന്ന സ്ട്രിപ്പ് ക്ലബ്ബ്കളിൽ ഒന്നാണ് ഡെൻ. ഇവിടെ ബാറും റെസ്റ്റോറന്റും കൂടി ചേർന്നാണ് പ്രവർത്തനം. ഇവിടുത്തെ ജീവനക്കാർ ആഴ്ചകളോളം മറ്റു വരുമാനമില്ലാതെ നട്ടം തിരിയുകയായിരുന്നു

രാജ്യത്തെ പല സ്ഥാപനങ്ങളും വളരെ പതുക്കെ മാത്രം തുറക്കുമ്പോൾ വയോമിംഗിലെ സ്ട്രിപ്പ് ക്ലബ്ബ്കൾക്ക് ഭീതി കുറവാണ്. ഈ നാട്ടിലെ കോവിഡ് നിരക്കും കോവിഡ് മരണ നിരക്കും വളരെ കുറവാണെന്നതാണ് കാരണം

ഇത്തരം ബിസിനസ്സുകാരെ കോവിഡ് നിയന്ത്രണ കാലത്തെ ഉത്തേജക പാക്കേജിൽ ഉൾപ്പെടുത്താത്തത് കാരണം ലോക്ക്ഡൗൺ നാളുകളിൽ അവർ വളരെയധികം ബുദ്ധിമുട്ടിയിരുന്നെന്നും, മറ്റു പോംവഴിയൊന്നും മുന്നിൽ ഇല്ലായിരുന്നെന്നും ഡെന്നിന്റെ ഉടമസ്ഥ കിം ഷാവേസ് പറയുന്നു

പോൾ ഡാൻസിങ് ചെയ്യുന്നതിനാൽ സാനിറ്റൈസർ ഉപയോഗം നിർബന്ധമാണ്

ഒരേ സമയം എത്രപേർക്ക് പ്രവേശനം എന്നകാര്യത്തിൽ വ്യക്തത ലഭിച്ചിട്ടില്ലെങ്കിലും ഡെന്നിൽ ഇത് ഒരേസമയം 50 പേരായി നിജപ്പെടുത്തിയിട്ടുണ്ട്

യഥാർത്ഥ സീറ്റിങ് കപ്പാസിറ്റിയുടെ നേർപകുതി മാത്രമാണ് ഇപ്പോൾ പ്രവേശിക്കുന്നത്. എന്നാൽ നീളൻ ഹീലുകൾ ധരിച്ച് മാസ്ക് ഉപയോഗിക്കുന്നത് കാരണം പോൾ ഡാൻസിങ് ചെയ്യുമ്പോൾ കാഴ്ച മറയുന്നെന്നും ബാലൻസിങ്ങിനെ ബാധിക്കുന്നെന്നും ഇവിടുത്തെ നർത്തകർ പരാതിപ്പെടുന്നുണ്ട്