കണ്ണൂരിൽ പറമ്പിലെ തേങ്ങാ എടുക്കാൻ പോയപ്പോൾ കിട്ടിയ സ്റ്റീൽ പാത്രം പൊട്ടിത്തെറിച്ച് വയോധികൻ മരിച്ചു

കണ്ണൂർ: തലശേരിയിൽ ആൾപാർപ്പില്ലാത്ത വീട്ടിൽ നിന്നും കിട്ടിയ ബോംബു പൊട്ടിത്തെറിച്ച് വയോധികൻ കൊല്ലപ്പെട്ടു.

ചൊവ്വാഴ്ച്ച രാവിലെയാണ് സംഭവം. എരഞ്ഞോളി കുടക്കളത്തെ വേലായുധൻ (85) ആണ് മരിച്ചത്.

വീടിനടുത്തുള്ള ആൾ പാർപ്പില്ലാത്ത പറമ്പിൽ തേങ്ങ എടുക്കാൻ പോയപ്പോഴാണ് അപകടമുണ്ടായത്. സ്റ്റീൽ ബോംബു പൊട്ടിത്തെറിക്കുകയായിരുന്നു.

സംഭവ സ്ഥലത്ത് തലശേരി എസിപി യുടെ നേതൃത്വത്തിൽ സ്ഥലത്ത് ക്യാംപ് ചെയ്യുന്നുണ്ട്. ആൾ താമസമില്ലാത്ത എരഞ്ഞോളി കുടക്കളത്തെ വീട്ടുപറമ്പിൽ ഒളിപ്പിച്ചു വെച്ച ബോംബ് പൊട്ടിത്തെറിച്ചുവെന്നാണ് പൊലിസിന്റെ പ്രാഥമിക നിഗമനം.

പൊലീസ് ഇൻക്വസ്റ്റ് നടത്തി കൊല്ലപ്പെട്ട വേലായുധന്റെ മൃതദ്ദേഹം തലശേരി ജനറൽ ആശുപത്രി മോർച്ചറിയിലേക്ക് മാറ്റി.