കെട്ടിലും മട്ടിലും പുതുമ; പുതിയ പാര്‍ലമെന്‍റ് മന്ദിരത്തിന് പ്രത്യേകതകള്‍ ഏറെ

പുതിയ പാർലമെന്റ് മന്ദിരം മെയ്‌ 28 ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുകയാണ്..സെൻട്രൽ വിസ്ത പദ്ധതിയുടെ ഭാഗമാണ് പുതിയ മന്ദിരം ..ഇതോടെ നൂറ്റാണ്ട് പഴക്കമുള്ള, കൃത്യമായി പറഞ്ഞാൽ 1927 മുതൽ , നിരവധി മൂഹർത്തങ്ങൾക്ക് സാക്ഷിയായ, നിലവിലെ പാർലമെന്റ് ചരിത്രത്തിന്റെ ഭാഗമാകും.. എന്താണ് പഴയതില്‍ നിന്ന് പുതിയ നിലവിലെ മന്ദിരത്തിന്റെ സവിശേഷതകൾ

1927 ല്‍ ഉദ്ഘാടനം ചെയ്യപ്പെട്ട പഴയ പാർലമെന്റ് മന്ദിരം വൃത്താകൃതിയിൽ എങ്കിൽ പുതിയ മന്ദിരം ത്രികോണ ആകൃതിയിൽ 65,000 ലധികം ചതുരശ്ര മീറ്ററിൽ പരന്നു കിടക്കുന്നു.

<span class="Y2IQFc" lang="ml">കൗൺസിൽ ഹാള്‍ എന്നാണ് പഴയ പാര്‍ലമെന്‍റ് മന്ദിരത്തിന്‍റെ യഥാര്‍ത്ഥ നാമം. 1956 ല്‍ സ്ഥല പരിമിതിമൂലം രണ്ട് നിലകള്‍ അധികമായി പണിതു.</span>

സെൻട്രൽ വിസ്ത പദ്ധതിയുടെ ഭാഗമായി ടാറ്റാ പ്രൊജക്ട് ലിമിറ്റഡ് ആണ് പുതിയ മന്ദിരം നിര്‍മ്മിച്ചത്. ആകെ ചെലവ് 1200 കോടി.

പുതിയ പാർലമെന്റ് മന്ദിരത്തിന്റെ ലോക്സഭ ഹാളിൽ 888 അംഗങ്ങൾക്കും രാജ്യസഭയിൽ 384 പേർക്കും ഇരിപ്പിട സൗകര്യമുണ്ട്.. നിലവിലെ പാർലമെന്റ് മന്ദിരത്തിൽ ലോക്സഭയിൽ 543 പേർക്കും രാജ്യസഭയിൽ 250 പേർക്കുമാണ് ഇരിപ്പിട സൗകര്യമുള്ളത്...

രാഷ്‌ട്രപതി പാർലമെന്റിന്റെ സംയുക്ത സമ്മേളനത്തെ അഭിസംബോധന ചെയ്യാറുള്ളത് പാർലമെന്റിന്റെ സെൻട്രൽ ഹാളിലാണ്..എന്നാൽ പുതിയ മന്ദിരത്തിൽ സെൻട്രൽ ഹാൾ ഇല്ല..പുതിയ മന്ദിരത്തിൽ സംയുക്ത സമ്മേളനം നടക്കുക ലോക്സഭ ചേമ്പറിൽ...

ലോക്സഭ ഹാളിൽ 1272 പേരെ ഉൾക്കൊള്ളാനാകുമെന്നും ആ സമയത്ത് അതിന് സൗകര്യം ഒരുക്കുമെന്നാണ് ലോക്സഭാ സെക്രട്ടേറിയറ്റ് അറിയിച്ചിട്ടുള്ളത്..ദേശീയ പക്ഷിയായ മയിലിനെ പ്രമേയം ആക്കിയാണ് ലോക്സഭാ ചേമ്പർ ഒരുക്കിയത്. രാജ്യസഭ ചേമ്പർ താമരയുടെ മാതൃകയിലും..