Parag Agrawal | ഐഐടി ബോംബെയില്‍ നിന്ന് ട്വിറ്റര്‍ തലപ്പത്തേക്ക്; പരാഗ് അഗർവാളിനെക്കുറിച്ച് അറിയേണ്ട കാര്യങ്ങൾ

പരാഗ് അഗര്‍വാള്‍ ബോംബെയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ നിന്നും കമ്പ്യൂട്ടര്‍ സയന്‍സ് & എഞ്ചിനീയറിങ്ങില്‍ ബിരുദം നേടി തുടര്‍ന്ന് ഐഐടി ബോംബെയില്‍ നിന്നും ബിരുദം എടുത്തതിന് ശേഷം സ്റ്റാന്‍ഫോര്‍ഡ് യൂണിവേഴ്സിറ്റിയില്‍ നിന്ന് കമ്പ്യൂട്ടര്‍ സയന്‍സില്‍ പിഎച്ച്ഡി നേടി.

അദ്ദേഹത്തിന് മൈക്രോസോഫ്റ്റ് റിസര്‍ച്ചിന്റെയും യാഹൂ റിസര്‍ച്ചിന്റെയും നേതൃസ്ഥാനങ്ങളില്‍ പ്രവര്‍ത്തിച്ച് പരിചയമുണ്ട്.

2011 ഒക്ടോബറില്‍ ആണ് അദ്ദേഹം ട്വിറ്ററില്‍ എത്തിയത് .

2016ലും 2017ലും വളരെ വേഗത്തില്‍ ഉപയോക്താക്കൾ കൂടുന്നതിന് പരാഗിന്റെ ട്വിറ്ററിലെ പ്രവര്‍ത്തനങ്ങള്‍ വലിയ സ്വാധീനം ചെലുത്തിയിട്ടുണ്ട്.

2019ല്‍ ട്വിറ്റര്‍ സിഇഒ ജാക്ക് ഡോര്‍സി പരാഗിനെ പ്രൊജക്റ്റ് ബ്ലൂസ്‌കൈയുടെ തലവനായി നിയമിച്ചു. ട്വിറ്ററിലെ തെറ്റായ വിവരങ്ങള്‍ നിയന്ത്രിക്കുന്നതിനായി ഓപ്പണ്‍ സോഴ്സ് ആര്‍ക്കിടെക്റ്റുകളുടെ ഒരു സ്വതന്ത്ര ടീം ആയി വികസിപ്പിച്ചെടുത്ത ടീം ആണ് പ്രോജക്ട് ബ്ലൂ സ്‌കൈ

2021 നവംബര്‍ 29ന്, ജാക്ക് ഡോര്‍സി ട്വിറ്ററില്‍ നിന്ന് രാജിവെക്കുകയും പരാഗിനെ ട്വിറ്ററിന്റെ പുതിയ സിഇഒ ആയി ട്വിറ്റര്‍ ബോര്‍ഡ് പ്രഖ്യാപിക്കുകയും ചെയ്തതത്.