നിള നമ്പ്യാരുടെ സംവിധാനത്തിൽ അഡൽട്ട് വെബ് സീരീസ്; അലൻസിയർ മുഖ്യവേഷത്തിൽ

മോഡല്‍ നിള നമ്പ്യാര്‍ (Nila Nambiar) ഇനി സംവിധാന വേഷത്തിലും. താരം സംവിധാനം ചെയ്യുന്ന അഡൽട്ട് വെബ് സീരീസ് എത്തുന്നു. നടൻ അലൻസിയർ(Alancier) ആണ് മുഖ്യവേഷത്തിൽ.

'ലോല കോട്ടേജ്' എന്ന് പേരിട്ടിരിക്കുന്ന വെബ് സീരീസില്‍ അലന്‍സിയര്‍ ആണ് പ്രധാന കഥാപാത്രത്തെ അവതരിപ്പിക്കുന്നത്. ഈ വിവരം സാമൂഹികമാധ്യമങ്ങളിലൂടെ പുറത്തുവിട്ടത് നിള തന്നെയാണ്.

നിളയെ തന്റെ ബലമെന്ന് ചേര്‍ത്തുപിടിച്ചുകൊണ്ടാണ് അലന്‍സിയര്‍ ഇക്കാര്യം വെളിപ്പെടുത്തിയത്. "നല്ല മനസ്സിന് ഉടമയാണ് നിങ്ങളെന്ന് എനിക്ക് മനസിലായി. തുടര്‍ച്ചകള്‍ ഉണ്ടാവട്ടെ", എന്ന് ആശംസിച്ചുകൊണ്ട് അലന്‍സിയര്‍ കൂട്ടിച്ചേര്‍ത്തു.

കുട്ടിക്കാനത്താണ് വെബ് സീരീസിന്റെ ഷൂട്ടിങ് പുരോഗമിക്കുന്നത്. മോഡല്‍ ബ്ലെസി സില്‍വസ്റ്റര്‍ ആണ് വെബ് സീരീസിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.

അതീവ ഗ്ലാമറസ് ഫോട്ടോഷൂട്ടുകളിലൂടെ സാമൂഹികമാധ്യമങ്ങളില്‍ വൈറലായ താരമാണ് നിള നമ്പ്യാര്‍.