'മുസ്ലിമായതിനാൽ ബലാത്സംഗം ചെയ്യപ്പെടണം' ; ഭീഷണി മുഴക്കിയ ആളുടെ പേര് വെളിപ്പെടുത്തി ഖുശ്ബു

ബലാത്സംഗ ഭീഷണി മുഴക്കിയയാളുടെ പേര് വെളിപ്പെടുത്തി നടിയും കോൺഗ്രസ് നേതാവുമായ ഖുശ്ബു സുന്ദര്‍.

മുസ്ലിം ആയതിനാൽ താൻ പീഡിപ്പിക്കപ്പെടേണ്ടവൾ ആണെന്ന് വിളിച്ചയാൾ ഭീഷണി മുഴക്കിയതായി ഖുശ്ബു വ്യക്തമാക്കുന്നു.

ട്വിറ്ററിലാണ് ഖുശ്ബു ഇക്കാര്യം വ്യക്തമാക്കിയിരിക്കുന്നത്. ഫോൺ നമ്പറും ഖുശ്ബു പുറത്തു വിട്ടിട്ടുണ്ട്.

കൊൽക്കത്തിയിലെ ഒരു നമ്പറിൽ നിന്നാണ് ഫോൺ കോൾ വന്നതെന്നും സഞ്ജയ് ശർമ എന്ന പേരാണ് കാണിക്കുന്നതെന്നും ഖുശ്ബു വ്യക്തമാക്കുന്നു.

കൊൽക്കത്ത പൊലീസ് ഇതിൽ അന്വേഷണം നടത്തണമെന്നാണ് ഖുശ്ബു പറയുന്നത്.

കൊൽക്കത്ത മുഖ്യമന്ത്രി മമത ബാനർജി വിഷയത്തിൽ ഇടപെടണമെന്നും ഖുശ്ബു പറയുന്നു. വിവിധ ട്വീറ്റുകളിലാണ് ഖുശ്ബു ഇക്കാര്യം പറഞ്ഞത്.

മുസ്ലിം ആയതിനാൽ താൻ പീഡിപ്പിക്കപ്പടേണ്ടവളാണെന്നാണ് ഭീഷണി മുഴക്കിയയാൾ ഫോണിലൂടെ പറഞ്ഞത്. ഇത് രാമഭൂമി തന്നെയാണോ? പ്രധാനമന്ത്രി നരേന്ദ്രമോദി പറഞ്ഞുതരുമോ- ഖുശ്ബു ട്വിറ്ററിൽ കുറിച്ചു.

കൊൽക്കത്ത മുഖ്യമന്ത്രി മമതാ ബാനർജി ഈ വിഷയത്തിൽ ഇടപെട്ട് പരിഹാരം കാണണം. എനിക്ക് സംഭവിച്ചത് ഇതാണെങ്കിൽ മറ്റ് സ്ത്രീകളുടെ സ്ഥിതി എന്താണ്?'- മറ്റൊരു ട്വീറ്റിൽ ഖുശ്ബു പറയുന്നു.

അതേസമയം എന്തുകൊണ്ടാണ് ഇക്കാര്യം സോഷ്യൽ മീഡിയയിലൂടെ പുറത്തുവിട്ടത് എന്ന ചോദ്യത്തിന് ഭീഷണി മുഴക്കിയ ആൾക്കും കുടുംബം ഉണ്ടാകുമെന്നും ഇത്തരം ആളുകള്‍ പൊതു സമൂഹത്തിനു മുന്നിൽ നാണം കെടണമെന്നും ഖുശ്ബു മറുപടി നൽകിയിരിക്കുന്നു.