Samantha| പ്രിയങ്ക ചോപ്രയുടെ അമ്മയായി സാമന്ത; സ്ഥിരീകരിച്ച് താരം

തെന്നിന്ത്യയിൽ മാത്രമല്ല, ബോളിവുഡും പിന്നിട്ട് ഹോളിവുഡിലും സാന്നിധ്യമറിയിക്കാനുള്ള തയ്യാറെടുപ്പിലാണ് സാമന്ത. പ്രിയങ്ക ചോപ്ര പ്രധാന വേഷത്തിലെത്തിയ സൂപ്പർഹിറ്റ് സീരീസ് സിറ്റാഡലിൽ സാമന്തയും ഭാഗമാകുന്നുണ്ട്.

സിറ്റാഡലിന്റെ ഇന്ത്യൻ വേർഷനിൽ സാമന്തയാണ് പ്രധാന വേഷത്തിലെത്തുന്നത്. ഒപ്പം വരുൺ ധവാനും സാമന്തയ്ക്കൊപ്പം സിറ്റാഡലിൽ അഭിനയിക്കുന്നുണ്ട്.

സിറ്റാഡൽ ഇന്ത്യയിൽ സാമന്തയുടെ വേഷം എന്തായിരിക്കുമെന്ന ചർച്ചകൾ നേരത്തേ സജീവമായിരുന്നു. ഇപ്പോൾ ലഭിക്കുന്ന റിപ്പോർട്ടുകൾ പ്രകാരം പ്രിയങ്ക ചോപ്ര അവതരിപ്പിച്ച കഥാപാത്രത്തിന്റെ അമ്മയുടെ വേഷമായിരുന്നു സാമന്തയുടേത്.

ഇ-ടൈംസ് ആണ് ഇതുസംബന്ധിച്ച വാർത്ത റിപ്പോർട്ട് ചെയ്തിരിക്കുന്നത്. അതേസമയം, പ്രിയങ്ക ചോപ്രയുടെ സിറ്റാഡലും സാമന്തയുടേതും രണ്ട് കഥാപശ്ചാത്തലത്തിലും രണ്ട് കാലഘട്ടത്തിലും ഉള്ളതാണ്.

സാമന്തയുടെ സീരീസിൽ പ്രിയങ്ക ഉണ്ടാകില്ല. പ്രിയങ്കയുടെ കുട്ടിക്കാലം ആയിരിക്കും ഈ സീരീസിലേത്. സാമന്തയുടെ കഥാപാത്രത്തെ കേന്ദ്രീകരിച്ചാണ് ഇന്ത്യൻ സിറ്റാഡൽ.

സിറ്റാഡലിൽ പ്രിയങ്ക അവതരിപ്പിക്കുന്ന നദിയ എന്ന കഥാപാത്രത്തിന്റെ അച്ഛനായി പരാമർശിക്കുന്നത് രാഹി ഗാംഭീർ എന്ന പേരാണ്. ഈ കഥാപാത്രത്തെ ഇന്ത്യൻ സിറ്റാഡലിൽ അവതരിപ്പിക്കുക വരുൺ ധവാൻ ആയിരിക്കും.

സാമന്ത ഭാഗമായ ഫാമിലി മാൻ സീരീസിന്റെ സംവിധായകാരയ രാജ്, ഡികെ എന്നിവരാണ് ഇന്ത്യൻ സിറ്റാഡൽ ഒരുക്കുന്നത്. സീരീസിന്റെ ചിത്രീകരണം പുരോഗമിച്ചു കൊണ്ടിരിക്കുകയാണ്.