COVID 19 | നടി തമന്നയുടെ മാതാപിതാക്കൾക്ക് കോവിഡ് 19 സ്ഥിരീകരിച്ചു

പ്രശസ്ത തെന്നിന്ത്യൻ നടി തമന്ന ഭാട്യയുടെ മാതാപിതാക്കൾക്ക് കോവിഡ് 19 സ്ഥിരീകരിച്ചു. അതേസമയം, നടിയുടെ പരിശോധനാഫലം നെഗറ്റീവ് ആണ്. ഇൻസ്റ്റഗ്രാമിലൂടെയാണ് നടി ഇക്കാര്യം ആരാധകരെ അറിയിച്ചത്.

"ആഴ്ചാവസാനമാണ് മാതാപിതാക്കൾ കോവിഡ് 19ന്റെ ലക്ഷണങ്ങൾ കാണിച്ചു തുടങ്ങിയത്. മുൻകരുതലെന്ന നിലയിൽ പെട്ടെന്നു തന്നെ പരിശോധനയ്ക്ക് വിധേയമാകുകയായിരുന്നു. പരിശോധനാഫലം വന്നു, നിർഭാഗ്യവശാൽ എന്റെ മാതാപിതാക്കൾ കോവിഡ് 19 പോസിറ്റീവ് ആണ്" - തന്റെ ഇൻസ്റ്റഗ്രാം അക്കൗണ്ടിൽ തമന്ന കുറിച്ചു.

"ഇതുമായി ബന്ധപ്പെട്ട അധികാരികൾ കാര്യം അന്വേഷിക്കുകയും നിലവിലെ അവസ്ഥയെക്കുറിച്ച് മനസിലാക്കുകയും ചെയ്തു. മുൻകരുതൽ നിർദ്ദേശങ്ങൾ നൽകുകയും ചെയ്തു. ഞാനും സ്റ്റാഫും ഉൾപ്പെടെ വീട്ടിലെ മറ്റുള്ള എല്ലാവരുടെയും പരിശോധനാഫലം നെഗറ്റീവ് ആണ്. ദൈവാനുഗ്രഹത്താൽ അവർക്ക് കാര്യമായ കുഴപ്പമൊന്നുമില്ല." തമന്ന പറഞ്ഞു.

2005ൽ ഛന്ദ് സാ റോഷൻ ചെഹ്റ എന്ന ചിത്രത്തിലൂടെയാണ് തെന്നിന്ത്യൻ നടി ബോളിവുഡിൽ രംഗപ്രവേശം ചെയ്തത്.

നിരവധി ബോളിവുഡ്, തെന്നിന്ത്യൻ സിനിമകളിൽ നടി അഭിനയിച്ചിട്ടുണ്ട്. എസ് എസ് രാജമൗലി സംവിധാനം ചെയ്ത രാജമൗലിയിലും തമന്ന അഭിനനയിച്ചിരുന്നു.