നേര് തന്നേ? പൃഥ്വിരാജിന് ശേഷം പ്രഭാസ് ചിത്രത്തിൽ മലയാളി നായകന്റെ സാന്നിധ്യം, ഉയർന്നു കേൾക്കുന്ന പേര്...

പ്രഭാസ് (Prabhas) ചിത്രത്തിലെ മലയാളി സാന്നിധ്യമായി പൃഥ്വിരാജിന്റെ പേര് കേട്ടത് മുതൽ സിനിമയ്ക്കായുള്ള ആവേശഭരിതമായ കാത്തിരിപ്പിലാണ് ആരാധകർ. വരദരാജ മന്നാർ എന്ന വേഷമാണ് 'സലാർ' (Salaar) സിനിമയിൽ പൃഥ്വിരാജിനുള്ളത്. ലുക്കിലുമുണ്ട് ഏറെ പ്രത്യേകതകൾ. ഇനി മറ്റൊരു ചിത്രത്തിൽ വേറൊരു യുവ മലയാള താരത്തിന്റെ പേര് ഇപ്പോഴേ ഉയർന്നു തുടങ്ങി

പ്രഭാസും ദീപിക പദുക്കോണും പ്രധാന കഥാപാത്രങ്ങളെ അവതരിപ്പിക്കുന്ന 'കൽക്കി 2898 എഡി' എന്ന ചിത്രം ആരാധകരെ ആകാംക്ഷയിൽ എത്തിക്കുന്ന മറ്റൊരു സിനിമയാണ്. ചിത്രത്തിന്റെ ആദ്യ ടീസറിന് പ്രേക്ഷകരിൽ നിന്ന് മികച്ച പ്രതികരണമാണ് ലഭിച്ചത്. നാഗ് അശ്വിൻ സംവിധാനം ചെയ്ത ചിത്രം ബിഗ് ബജറ്റിൽ വരികയാണ് (തുടർന്ന് വായിക്കുക)

കൂടാതെ ചിത്രത്തിന്റെ പേര് ഔദ്യോഗികമായി കഴിഞ്ഞ മാസം സാൻ ഡിയാഗോ കോമിക്-കോണിൽ വെളിപ്പെടുത്തുകയുമുണ്ടായി. അടുത്തിടെ ഉണ്ടായ ഒരു അഭിമുഖത്തിലാണ് വീണ്ടും ഒരു മലയാളി നായകൻ പ്രഭാസ് ചിത്രത്തിന്റെ ഭാഗമാകും എന്ന് വാർത്ത വന്നത്

ദുൽഖർ സൽമാനും ചിത്രത്തിന്റെ ഭാഗമാകുമെന്ന് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നതിനാൽ ആരാധകർ കൂടുതൽ ആവേശത്തിലാണ്. കിംഗ് ഓഫ് കൊത്തയുടെ ഭാഗമായി നൽകിയ ഒരഭിമുഖത്തിൽ, ദുൽഖർ സിനിമയിൽ തന്റെ പങ്കാളിത്തത്തെക്കുറിച്ച് പരോക്ഷമായ സ്ഥിരീകരണം നൽകി

ഈ സിനിമയിലെ പങ്കാളിത്തത്തെക്കുറിച്ച് അവതാരകൻ ദുൽഖർ സൽമാനോട് ചോദിച്ചു. ദുൽഖർ അദ്ദേഹത്തിന്റെ സാന്നിധ്യം സ്ഥിരീകരിക്കുകയോ നിരസിക്കുകയോ ചെയ്തില്ല. എന്നിരുന്നാലും, താൻ കൽക്കിയുടെ സെറ്റ് സന്ദർശിച്ചിട്ടുണ്ടെന്നും സംവിധായകന്റെ മുൻ ചിത്രമായ 'യെവടെ സുബ്രഹ്മണ്യത്തിൽ' നിന്ന് വളരെ വ്യത്യസ്തമായ അനുഭവമായിരുന്നുവെന്നും അദ്ദേഹം കൂട്ടിച്ചേർത്തു

പിന്നീടുള്ള ചോദ്യങ്ങളിൽ ദുൽഖർ സൽമാൻ തന്റെ പ്രതികരണങ്ങളിൽ കൂടുതൽ ശ്രദ്ധാലുവായി. അത്തരം വിശദാംശങ്ങൾ ഇപ്പോൾ വെളിപ്പെടുത്തേണ്ടതില്ലെന്ന് മറുപടി പറഞ്ഞു

ഇതുവരെ, ദുൽഖറോ നിർമ്മാതാക്കളോ നടന്റെ വേഷത്തെക്കുറിച്ചുള്ള വിവരങ്ങളൊന്നും ഔദ്യോഗികമായി പങ്കിട്ടിട്ടില്ല. ദുൽഖർ സൽമാൻ ചിത്രത്തിന്റെ ഭാഗമാണെങ്കിൽ, അത് അദ്ദേഹത്തിന്റെ ആരാധകർക്കിടയിൽ വലിയ ആവേശം സൃഷ്ടിക്കും എന്നതിൽ തർക്കമില്ല

'കിംഗ് ഓഫ് കൊത്തയെ' കൂടാതെ, രാജ്കുമാർ റാവു, ഗുൽഷൻ ദേവയ്യ എന്നിവർക്കൊപ്പം നെറ്റ്ഫ്ലിക്സ് ചിത്രമായ ഗൺസ് & ഗുലാബ്സിൽ ദുൽഖർ സൽമാൻ ഉണ്ടാകും. ഈ മാസം ആദ്യം നടന്ന ഒരു പ്രൊമോഷണൽ ഇവന്റിനിടെ, കൽക്കി 2898 എഡിയുടെ സെറ്റിൽ വച്ച് പ്രഭാസുമായുള്ള കൂടിക്കാഴ്ചയെക്കുറിച്ച് താരം സംസാരിച്ചു