Mammootty | ഇനി പൊളിക്കും; മമ്മുക്ക എത്തി, കൊച്ചിയിലെ കഫെയിൽ 'ബസൂക്ക' ചിത്രീകരണം

'ബസൂക്ക' (Bazooka) സിനിമയുടെ സെറ്റിൽ മമ്മൂട്ടി (Mammootty) എത്തിച്ചേർന്നു. മെയ് 12 വെള്ളിയാഴ്ച ഫോർട്ട് കൊച്ചി - അസോറ കഫെ എന്ന ഹോട്ടലിലാണ് ഡിനോ സെന്നിസ് തിരക്കഥ രചിച്ച് സംവിധാനം ചെയ്യുന്ന 'ബസൂക്ക' എന്ന ചിത്രത്തിന്റെ ചിത്രീകരണം നടക്കുന്നത്. മമ്മൂട്ടി ഈ ചിത്രത്തിൽ അഭിനയിക്കാനെത്തുന്നത് ഈ ലൊക്കേഷനിലാണ്. മെയ് പത്തിന് ചിത്രീകരണം ആരംഭിച്ചിരുന്നുവെങ്കിലും പന്ത്രണ്ടിനാണ് മമ്മൂട്ടി എത്തുന്നത്

ആദ്യ രണ്ടു ദിവസങ്ങളിൽ യുവനിരയിലെ ശ്രദ്ധേയനായ ഷൈൻ ടോം ചാക്കോ അടക്കമുള്ള അഭിനേതാക്കൾ അഭിനയിച്ചു തുടങ്ങിയിരുന്നു. ഗെയിം ത്രില്ലർ വിഭാഗത്തിൽപ്പെടുന്ന ഈ ചിത്രം തികഞ്ഞ ഹൈടെക്ക് മൂവിയായിരികും. പുത്തൻ ചിന്തകളും കൗശലവും, ബുദ്ധിയും ഒത്തുചേർന്ന ഒരു കഥാപാത്രത്തെയാണ് മമ്മൂട്ടി അവതരിപ്പിക്കുന്നത് (തുടർന്ന് വായിക്കുക)

ഒരുപക്ഷേ, സമീപകാലത്തെ അദ്ദേഹത്തിന്റെ ഏറ്റവും പുതുമയും വ്യത്യസ്ഥവുമായ കഥാപാത്രമായിരിക്കും ഇത്. ട്രാവലും, ഉദ്വേഗവും കോർത്തിണക്കി പ്രേക്ഷകർക്ക് പുത്തൻ ദൃശ്യാനുഭവം നൽകുകയാണ് നവാഗതനായ ഡിനു ഡെന്നിസ്. തിരക്കഥാകൃത്ത് കലൂർ ഡെന്നിസിന്റെ മകൻ കൂടിയാണ് ഡിനോ ഡെന്നിസ്

ഗൗതം വാസുദേവ് മേനോൻ, സണ്ണി വെയ്ൻ, ഷറഫുദ്ദീൻ ജഗദീഷ്, സിദ്ധാർത്ഥ് ഭരതൻ, സുമിത് നേവൽ (ബ്രിഗ് ബി ഫെയിം) സ്ഫടികം ജോർജ്, ദിവ്യാ പിള്ള, ഐശ്യര്യാ മേനോൻ എന്നിവരും പ്രധാന താരങ്ങളാണ്

സംഗീതം - മിഥുൻ മുകുന്ദൻ, ഛായാഗ്രഹണം - നിമിഷ് രവി, എഡിറ്റിംഗ് - നിഷാദ് യൂസഫ്, കലാസംവിധാനം - അനീസ് നാടോടി, ചീഫ് അസ്റ്റോസ്റ്റിയേറ്റ് ഡയറക്ടർ - സുജിത്, പ്രൊഡക്ഷൻ എക്സിക്യൂട്ടീവ്സ് - ഷെറിൻ സ്റ്റാൻലി, രാജീവ് പെരുമ്പാവൂർ; പ്രൊഡക്ഷൻ കൺട്രോളർ - സഞ്ജു ജെ.

തിയേറ്റർ ഓഫ് ഡ്രീംസിന്റെ ബാനറിൽ ജിനു വി. എബ്രഹാം, ഡോൾവിൻ കുര്യാക്കോസ് എന്നിവർ നിർമ്മിക്കുന്ന ഈ ചിത്രത്തിന്റെ ചിത്രീകരണം കൊച്ചിയിൽ പുരോഗമിക്കുന്നു. കൊച്ചി, കോയമ്പത്തൂർ, ബാംഗ്ളൂർ എന്നിവിടങ്ങളിലായി ചിത്രീകരണം പൂർത്തിയാകും. പി.ആർ.ഒ.- വാഴൂർ ജോസ്, സ്റ്റിൽസ്: ബിജിത്ത് ധർമ്മടം