സാമന്തയ്ക്കു പിന്നാലെ നാഗചൈതന്യയ്ക്കും തിരിച്ചടി. താരത്തിന്റെ ഏറ്റവും പുതിയ ചിത്രം കസ്റ്റഡി പ്രതീക്ഷിച്ച പ്രകടനം നടത്താതെ ബോക്സ് ഓഫീസിൽ നിരാശപ്പെടുത്തി.
2/ 6
പുതുമുഖ സംവിധായകനായ വെങ്കട് പ്രഭുവാണ് കസ്റ്റഡി സംവിധാനം ചെയ്തിരിക്കുന്നത്. ഏറെ പ്രതീക്ഷയോടെയാണ് ആരാധകർ നാഗ ചൈതന്യയുടെ പുതിയ ചിത്രത്തിനായി കാത്തിരുന്നത്. എന്നാൽ, നിരാശപ്പെടുത്തുന്നതാണ് താരത്തിന്റെ ചിത്രമെന്നാണ് റിപ്പോർട്ടുകൾ.
3/ 6
പുറത്തിറങ്ങി ആദ്യ ആഴ്ച്ചയിൽ തന്നെ ചിത്രം തിരിച്ചടി നേരിട്ടുവെന്ന് ഹിന്ദുസ്ഥാൻ ടൈംസ് റിപ്പോർട്ടിൽ പറയുന്നു. ആദ്യ ആഴ്ച്ച പിന്നിടുമ്പോൾ വെറും 8.6 കോടി മാത്രമാണ് കസ്റ്റഡിക്ക് നേടാനായത്.
4/ 6
കസ്റ്റഡിയിൽ പൊലീസ് കോൺസ്റ്റബിൾ ആയാണ് ചൈതന്യ എത്തുന്നത്. അരവിന്ദ് സ്വാമി, ശരത് കുമാർ, കീർത്തി ഷെട്ടി, പ്രിയാമണി, പ്രേംജി, വെണ്ണല കിഷോർ, സമ്പത്ത് രാജ് തുട‌ങ്ങിയ താരങ്ങളും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.
5/ 6
അടുത്തിടെ നാഗചൈതന്യയുടെ മുൻഭാര്യയെ തെന്നിന്ത്യൻ സിനിമയിലെ സൂപ്പർ നായികയുമായ സാമന്തയുടെ ശാകുന്തളവും തിയേറ്ററിൽ വൻ പരാജയമായിരുന്നു. ഇതിനു പിന്നാലെയാണ് നാഗ ചൈതന്യയുടെ ചിത്രവും പരാജയപ്പെടുന്നത്.
6/ 6
തെലുങ്കിനു പുറമേ, തമിഴിലും ചിത്രം പുറത്തിറക്കിയിരുന്നു. നാഗ ചൈതന്യയുടെ തമിഴിലേക്കുള്ള രംഗപ്രവേശം കൂടിയായിരുന്നു ചിത്രം. താരം തന്നെയാണ് ഡബ്ബിങ്ങും നിർവഹിച്ചത്.
