Dileep | ദിലീപ് ചിത്രത്തിലൂടെ തമന്നയുടെ മലയാള പ്രവേശം; പുതിയ സിനിമയ്ക്ക് തുടക്കം

രാമലീലയുടെ വിജയത്തിനു ശേഷം ദിലീപ് (Dileep) - അരുൺ ഗോപി (Arun Gopy) കൂട്ടുകെട്ടിൽ ഒരുങ്ങുന്ന പുതിയ ചിത്രത്തിന് സെപ്റ്റംബർ ഒന്നിന് തുടക്കമായി. തമന്ന ഭാട്ടിയ (Tamannaah Bhatia) ആദ്യമായി മലയാളത്തിൽ അഭിനയിക്കുന്ന സിനിമ കൂടിയാണിത്. കൊട്ടാരക്കര മഹാഗണപതി ക്ഷേത്രത്തിൽ നടന്ന പൂജ ചടങ്ങിലൂടെയാണ് ആരംഭം

അജിത് വിനായക ഫിലിംസിൻ്റെ ബാനറിൽ വിനായക അജിത്താണ് നിർമ്മാണം. ദിലീപ് ഭദ്രദീപം തെളിയിച്ചു. വിനായക അജിത് സ്വിച്ചോൺ കർമ്മം നടത്തി. ദിലീപും തമന്നയും ചേർന്ന് ഫസ്റ്റ് ക്ലാപ്പും നൽകി (തുടർന്ന് വായിക്കുക)

വലിയ മുതൽമുടക്കിൽ ഒരുങ്ങുന്ന ഒരു പാൻ ഇന്ത്യൻ ചിത്രമായിരിക്കുമിത്. ദിലീപിനു പുറമേ ദക്ഷിണേന്ത്യൻ ഭാഷകളിലേയും ബോളിവുഡിലേയും പ്രമുഖ താരങ്ങളാണ് ഈ ചിത്രത്തിൽ അണിനിരക്കുന്നത്. ഗുജറാത്ത്, മുംബൈ, ജാർഖണ്ഡ്, എന്നിവിടങ്ങളിലായി ചിത്രീകരണം നടക്കും

പൂർണ്ണമായും ഉത്തരേന്ത്യയിൽ നടക്കുന്ന കഥയാണ് ചിത്രം. ഉദയ് കൃഷ്ണയുടേതാണ് തിരക്കഥ

സംഗീതം- സാം സി.എസ്., ഛായാഗ്രഹണം- ഷാജികുമാർ, എഡിറ്റിംഗ് - വിവേക് ഹർഷൻ, കോസ്റ്റ്യും ഡിസൈൻ - പ്രവീൺ വർമ്മ, മേക്കപ്പ് -രഞ്ജിത്ത് അമ്പാടി, ചീഫ് അസ്സോസ്സിയേറ്റ് ഡയറക്ടർ -രതീഷ് പാലോട്, അസ്സോസ്സിയേറ്റ് ഡയറക്ടർ- റാം പാർത്ഥൻ, പ്രൊഡക്ഷൻ എക്സിക്യൂട്ടീവ് - ഷിഹാബ് വെണ്ണല, പ്രൊജക്റ്റ് ഡിസൈനർ - നോബിൾ ജേക്കബ്, പി.ആർ.ഒ.- വാഴൂർ ജോസ്, സ്റ്റിൽസ് - രാംദാസ് മാത്തൂർ

സെപ്റ്റംബർ 15 മുതൽ ചിത്രീകരണമാരംഭിക്കും