ആദ്യത്തെ കൺമണിക്കായുള്ള കാത്തിരിപ്പിലാണ് നടിയും അവതാരകയുമായ പേളി മാണിയും ഭർത്താവും നടനുമായ ശ്രീനിഷ് അരവിന്ദനും. കുഞ്ഞ് അതിഥിവരാൻ പോകുന്ന കാര്യം അടുത്തിടെയാണ് ഇരുവരും ആരാധകരുമായി പങ്കുവെച്ചത്.
2/ 8
പേളി മാണിക്ക് അഞ്ച് മാസം കഴിഞ്ഞിരിക്കുകയാണ്. ഗര്‍ഭാവസ്ഥയിലെ വിശേഷങ്ങളും ചിത്രങ്ങളും വീഡിയോയുമെല്ലാം ഇവർ ആരാധകരുമായി പങ്കുവക്കാറുണ്ട്. ഈ വീഡിയോകള്‍ പെട്ടെന്ന് തന്നെ വൈറലായി മാറാറുമുണ്ട്.
3/ 8
നിറവയറിൽ കൈവെച്ചിരിക്കുന്ന പേളിയുടെ ചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നത്. നിറവയറിൽ കൈവെച്ച് കുഞ്ഞിനോട് സംവദിക്കുന്ന തരത്തിലാണ് ചിത്രം പങ്കുവെച്ചിരിക്കുന്നത്.
4/ 8
കുഞ്ഞിനോട് പറയുന്ന കാര്യങ്ങൾ പേളി ചിത്രത്തിനൊപ്പം കുറിച്ചിട്ടുണ്ട്. ഈ ലോകം വളരെ മനോഹരമാണെന്നും നിന്നെ കാണാന്‍ ഇനിയും കാത്തിരിക്കാനാവില്ലെന്നുമായിരുന്നു പേളി മാണി കുറിച്ചിരിക്കുന്നത്.
5/ 8
എല്ലാ തവണത്തെയും പോലെ ഇത്തവണയും ശ്രീനിഷ് ആണ് പേളിയുടെ ചിത്രം പങ്കുവെച്ചിരിക്കുന്നത്.ചിത്രത്തിന് ആദ്യം കമന്റ് ചെയ്തിരിക്കുന്നതും ശ്രീനിഷ് തന്നെയാണ്.
6/ 8
നിരവധി താരങ്ങളും സെലിബ്രിറ്റികളും ചിത്രത്തിന് കമന്റ് ചെയ്തിട്ടുണ്ട്. അഞ്ച് മാസം പൂർത്തിയായപ്പോൾ പേളി മനോഹരമായൊരു കുറിപ്പും പങ്കുവെച്ചിരുന്നു.
7/ 8
ആദ്യ മൂന്ന് മാസങ്ങളില്‍ ഗർഭത്തിന്റെ എല്ലാ ബുദ്ധിമുട്ടുകളും തനിക്ക് അനുഭവിക്കേണ്ടി വന്നിരുന്നതായി പേളി പറഞ്ഞിരുന്നു. അതിനു ശേഷം തനിക്ക് ഊർജസ്വലത അനുഭവപ്പെടുന്നുണ്ടെന്ന് പേളി പങ്കുവെച്ചിരുന്നു.
8/ 8
ബിഗ്ബോസ് മലയാളം റിയാലിറ്റി ഷോയിൽ വെച്ചാണ് പേളിയും ശ്രീനിഷും പ്രണയത്തിലായത്. ഷോ അവസാനിച്ചതിന് പിന്നാലെ ഇരുവരും വിവാഹിതരാവുകയായിരുന്നു.
