ത്രസിപ്പിക്കുന്ന ആക്ഷനുമായി പ്രഭാസ്: പ്രേക്ഷകരെ ആവേശത്തിലാക്കി സാഹോയുടെ പുതിയ പോസ്റ്റർ

ബാഹുബലിയുടെ വൻ വിജയത്തിനു ശേഷം പ്രഭാസ് നായകനായി എത്തുന്ന ബിഗ് ബജറ്റ് ആക്ഷന്‍ ചിത്രമാണ് സാഹോ

പ്രേക്ഷകരെ ആവേശത്തിലാക്കി ചിത്രത്തിന്റെ പുതിയ പോസ്റ്റർ അണിയറ പ്രവർത്തകർ പുറത്തു വിട്ടു. പ്രഭാസിന്റെ കിടിലൻ ആക്ഷൻ രംഗങ്ങൾ ചിത്രത്തിലുണ്ടെന്ന് വ്യക്തമാക്കുന്നതാണ് പോസ്റ്റർ

ആക്ഷന് പ്രാധാന്യം നൽകുന്ന ചിത്രത്തിലെ സംഘട്ടന രംഗങ്ങളുടെ മേക്കിംഗ് വീഡിയോകൾ നേരത്തെ തന്നെ പുറത്ത് വിട്ടിരുന്നു

ബോളിവുഡ് താരം ശ്രദ്ധ കപൂറാണ് ചിത്രത്തിൽ പ്രഭാസിന്റെ നായിക. 150 കോടി രൂപ മുതൽ മുടക്കിലൊരുങ്ങുന്ന ബിഗ് ബജറ്റ് ചിത്രം സ്വാതന്ത്ര്യ ദിനമായ ഓഗസ്റ്റ് 15നാണ് തീയറ്ററുകളിലെത്തുക.

റണ്‍ രാജാ റണ്‍ എന്ന തെലുങ്ക് ചിത്രത്തിലൂടെ ശ്രദ്ധേയനായ സുജീത് സംവിധാനം ചെയ്യുന്ന ചിത്രം ഹിന്ദി, തമിഴ്,തെലുങ്ക്, മലയാളം ഭാഷകളിൽ പ്രദർശനത്തിനെത്തും