പ്രധാനമന്ത്രി നരേന്ദ്ര മോദി കേന്ദ്രമന്ത്രി ജോർജ് കുര്യന്റെ വസതിയിലെ ക്രിസ്മസ് ആഘോഷത്തിൽ

ന്യൂഡൽഹി: കേന്ദ്രമന്ത്രി ജോർജ് കുര്യന്റെ വസതിയിൽ നടന്ന ക്രിസ്മസ് ആഘോഷങ്ങളിൽ പ്രധാനമന്ത്രി നരേന്ദ്ര മോദി പങ്കെടുത്തു. ക്രിസ്ത്യൻ മതനേതാക്കള്‍ക്കൊപ്പമാണ് പ്രധാനമന്ത്രി ആഘോഷങ്ങളിൽ പങ്കെടുത്തത്. 

കേന്ദ്ര സർക്കാരും ക്രിസ്ത്യൻ സമൂഹവും തമ്മിലുള്ള ബന്ധം ഊട്ടിഉറപ്പിക്കുന്നതിന്റെ വേദിയായി ആഘോഷ ചടങ്ങ് മാറി. രാഷ്ട്രീയ, മത, സാംസ്കാരിക രംഗത്തെ പ്രമുഖർ ചടങ്ങിൽ പങ്കെടുത്തു.

കേന്ദ്രമന്ത്രി ശ്രീ ജോർജ്ജ് കുര്യൻ ജിയുടെ വസതിയിൽ നടന്ന ക്രിസ്മസ് ആഘോഷങ്ങളിൽ പങ്കെടുത്തു. ക്രിസ്ത്യൻ സമൂഹത്തിലെ പ്രമുഖരുമായി സംവദിക്കുകയും ചെയ്തു- പ്രധാനമന്ത്രി ‌സോഷ്യൽ മീഡിയ പ്ലാറ്റ്ഫോമായ എക്സിൽ കുറിച്ചു.

ക്രിസ്മസ് ആഘോഷ ചടങ്ങിൽ പങ്കെടുക്കുന്നതിന്റെ ചിത്രങ്ങളും പ്രധാനമന്ത്രി നരേന്ദ്ര മോദി എക്സില്‍ പങ്കുവെച്ചു. കേരളത്തിലെ ബിജെപിയുടെ മുതിർന്ന നേതാവായ ജോർജ് കുര്യന്റെ മന്ത്രിസഭാ പ്രവേശനം അപ്രതീക്ഷിതമായിരുന്നു.