നടൻ കുഞ്ചാക്കോ ബോബനെതിരെയുണ്ടായ വധശ്രമം: പ്രതിക്ക് ഒരുവർഷം തടവ്

കൊച്ചി: നടൻ കുഞ്ചാക്കോ ബോബനുനേരെ കഠാര വീശി കൊല്ലുമെന്നു ഭീഷണിപ്പെടുത്തിയെന്ന കേസിലെ പ്രതിക്ക് വിചാരണക്കോടതി ഒരു വർഷം തടവു വിധിച്ചു. തോപ്പുംപടി മൂലങ്കുഴി അത്തിക്കുഴി സ്റ്റാൻലി ജോസഫിനെയാണു (75) മജിസ്ട്രേട്ട് കോടതി ശിക്ഷിച്ചത്.

എറണാകുളം സൗത്ത് റെയിൽവേ സ്റ്റേഷനു സമീപം 2018 ഒക്ടോബർ 5നു അർധരാത്രിയാണു സംഭവം. കുഞ്ചാക്കോ ബോബനു നേരെ കഠാര വീശി അടുത്ത പ്രതി കൊല്ലുമെന്നു ഭീഷണിപ്പെടുത്തി.

കുഞ്ചാക്കോ അടക്കം 8 സാക്ഷികളെ വിസ്തരിച്ച കോടതി നിരീക്ഷണ ക്യാമറാദൃശ്യങ്ങൾ അടക്കം പരിശോധിച്ച ശേഷമാണു ശിക്ഷ വിധിച്ചത്.

വധഭീഷണിക്ക് ഒരു വർഷവും ആയുധ നിരോധന നിയമപ്രകാരം ഒരു വർഷവും ശിക്ഷ ലഭിച്ചെങ്കിലും രണ്ടും ഒരുമിച്ച് അനുഭവിച്ചാൽ മതിയെന്ന് കോടതി വ്യക്തമാക്കി.