കൈയ്യേറ്റക്കാർക്കെതിരെ കൊച്ചി കോർപ്പറേഷൻ; നിയമവിരുദ്ധമായി പ്രവർത്തിച്ച കടകൾ പൊളിച്ചുനീക്കി

നിയമവിരുദ്ധമായി പ്രവർത്തിച്ചിരുന്ന കടകൾ പൊളിച്ച് നീക്കി കൊച്ചി കോർപ്പറേഷൻ.

പനമ്പള്ളി നഗറിൽ പ്രവർത്തിച്ചിരുന്ന കടകൾ ഉദ്യോഗസ്ഥരുടെ നേതൃത്വത്തിലാണ് പൊളിച്ച് മാറ്റിയത്.

മറൈൻഡ്രൈവ് വാക് വേയിൽ നിയമവിരുദ്ധമായി പ്രവർത്തിച്ചിരുന്ന കടകൾ നീക്കം ചെയ്യുന്നതിന് ഹൈക്കോടതി നിർദ്ദേശം നൽകിയിരുന്നു. ഇതിന് പിന്നാലെയാണ് കോർപ്പറേഷൻ നടപടികൾ തുടങ്ങിയത്.

പനമ്പള്ളി നഗറിലെ കടകൾ കോർപ്പറേഷൻ ഉദ്യോഗസ്ഥർ നേരിട്ട് എത്തിയാണ്  പൊളിച്ച് മാറ്റിയത്.

വരും ദിവസങ്ങളിൽ കൂടുതൽ നിർമ്മാണ പ്രവർത്തനങ്ങൾ നീക്കുമെന്ന് ഉദ്യോഗസ്ഥർ പറഞ്ഞു.

കയ്യേറ്റങ്ങൾ നീക്കം ചെയ്യുന്നതിനെതിരെ ചില കട ഉടമകൾ കോടതിയെ സമീപിച്ച് അനുകൂല ഉത്തരവ് നേടിയിരുന്നു.