പി പരമേശ്വരന് ജന്മനാടിന്റെ യാത്രാമൊഴി

ആലപ്പുഴ: ആർ.എസ്.എസ് സൈദ്ധാന്തികനും താത്വിക ആചാര്യനുമായ പത്മവിഭൂഷൺ പി പരമേശ്വരന് ജന്മനാടിന്റെ യാത്രമൊഴി. മുഹമ്മ കായിപ്പുറത്തെ താമരശേരിയിൽ വീട്ടിൽ നടന്ന സംസ്കാര ചടങ്ങിൽ സഹോദരന്റെ ചെറുമകൻ പ്രദീപ് ചിതയ്ക്ക് തീ കൊളുത്തി.

പ്രമുഖ നേതാക്കൾ വസതിയിൽ അന്തിമോപചാരം അർപ്പിച്ചു.

ബാല്യവും കൗമാരവും ചിലവഴിച്ച മുഹമ്മയിലെ താമരശേരിയിൽ ഇല്ലത്താണ് പി പരമേശ്വരന് അന്ത്യവിശ്രമം ഒരുക്കിയത്.

തലസ്ഥാനത്തു നിന്നും വിലാപ യാത്രയായി കൊണ്ടുവന്ന മൃതദേഹം കുടുംബവീട്ടിൽ ഒരു മണിക്കൂർ പൊതു ദർശനത്തിന് വച്ചു .തുടർന്ന് ഔദ്യോഗിക ബഹുമതികളോടെയായിരുന്നു സംസ്കാരം .

സംഘപരിവാർ പ്രസ്ഥാനത്തിന് വേണ്ടി ജീവിതം ഉഴിഞ്ഞു വെച്ച അപൂർവം വെക്തിതങ്ങളിൽ ഒന്നാണ് പി പരമേശ്വരൻ എന്ന് മധ്യപ്രദേശ് മുൻ മുഖ്യമന്ത്രി ശിവരാജ് സിങ് ചൗഹാൻ പറഞ്ഞു

തിരുവനന്തപുരം അയ്യങ്കാളി ഹാളിൽ പൊതുദർശനത്തിനു വച്ച മൃതദേഹത്തിൽ മുഖ്യമന്ത്രി, ഗവർണർ, കേന്ദ്ര സഹമന്ത്രി വി മുരളീധരൻ അടക്കമുളവർ അന്തിമോപചാരം അർപ്പിച്ചിരുന്നു.

News18