CoronaVirus | 'ലൈംഗികബന്ധത്തിലൂടെ വൈറസ് പകരും'; പുരുഷവന്ധ്യതയ്ക്കും കാരണമാകുമെന്ന് പഠനം

വാക്സിൻ കണ്ടെത്തുന്നത് ഉൾപ്പടെ കൊറോണവൈറസ് സംബന്ധിച്ച് നിരവധി പഠനങ്ങളാണ് ലോകത്ത് നടക്കുന്നത്. കൊറോണ വൈറസ് ലൈംഗിക ബന്ധത്തിലൂടെ പകരാൻ സാധ്യത കൂടുതലാണെന്നാണ് പുതിയൊരു പഠനം സൂചിപ്പിക്കുന്നത്. ഈ വൈറസ് പുരുഷന്മാരിൽ വന്ധ്യതയ്ക്ക് കാരണമാകുമെന്നും പഠനം ചൂണ്ടിക്കാണിക്കുന്നു.

കൊറോണ വൈറസിനെക്കുറിച്ചുള്ള നൂറുകണക്കിന് പഠനങ്ങൾ വിവിധ രാജ്യങ്ങളിൽ ഇപ്പോഴും നടക്കുന്നു. ഒരു വശത്ത്, കൊറോണ വൈറസിനെതിരായ വാക്സിൻ കണ്ടെത്താനുള്ള ശ്രമത്തിലാണ് ഗവേഷകർ. മറുവശത്ത്, കൊറോണ വൈറസ് നമ്മളെ എങ്ങനെയൊക്കെ ബാധിക്കും എന്നതിനെക്കുറിച്ചും പഠനങ്ങൾ നടക്കുന്നു.

കൊറോണ വൈറസ് അണുബാധ ലൈംഗിക സമ്പർക്കത്തിലൂടെ പകരാൻ സാധ്യതയുണ്ടെന്ന പഠനറിപ്പോർട്ട് ഒരു ഇംഗ്ലീഷ് വെബ്സൈറ്റ് പ്രസിദ്ധീകരിച്ചു, ഇത് പുരുഷന്മാരിൽ വന്ധ്യതയ്ക്ക് കാരണമാകുമെന്നും റിപ്പോർട്ടിൽ പറയുന്നു.

അമേരിക്കൻ മെഡിക്കൽ അസോസിയേഷൻ ഈ മാസത്തെ ഒരു പഠനം ശേഖരിച്ചപ്പോഴാണ് ഈ പ്രശ്നം വെളിപ്പെടുത്തിയത്. ചൈനയിലെ ഷാങ്‌കിയുവിലെ ഗവേഷകർ 38 കൊറോണ രോഗികളുടെ ശുക്ലം പരിശോധിച്ചു. 15% ശുക്ല സാമ്പിളുകളിൽ COVID-19 കണ്ടെത്തി.

ഇതിൽ ഉൾപ്പെട്ട 6 ശുക്ലങ്ങളിൽ കൊറോണ വൈറസ് സാനിദ്ധ്യം കണ്ടെത്തി. ഇതിൽ നാല് രോഗികൾ ഗുരുതരമായ അവസ്ഥയിലാണെന്നും ബാക്കിയുള്ളവർ സുഖം പ്രാപിക്കുന്നതായും റിപ്പോർട്ടിൽ പറയുന്നു.

ഗവേഷകൻ ഡോ. ജോൺ ഐറ്റ്കെൻ കൊറോണയെ സിക്ക വൈറസുമായി താരതമ്യം ചെയ്യുകയും ചെയ്തു. സ്ത്രീകളുമായും പുരുഷന്മാരുമായും ലൈംഗിക ബന്ധത്തിൽ ഏർപ്പെടുമ്പോൾ സിക്ക അണുബാധ പകരുന്നതുപോലെ കൊറോണ വൈറസിന്‍റെ കാര്യത്തിലും ഇത് സംഭവിച്ചേക്കാമെന്നാണ് പഠനറിപ്പോർട്ട് പറയുന്നത്.

കൊറോണറി ആർട്ടറിയിലുണ്ടാകന്ന കൊറോണ അണുബാധ പുരുഷനിൽ നിന്ന് ലൈംഗികബന്ധത്തിലൂടെ സ്ത്രീകളിലേക്കും അവരുടെ പ്രത്യുൽപാദന അവയവത്തിലേക്കും പടരുമെന്ന് ഡോ. ജോൺ ഐറ്റ്കെൻ പറഞ്ഞു.