മൂന്ന് മണിക്കൂർ ഇടവേളയിൽ ഭക്ഷണം; ദിവസവും രണ്ട് മണിക്കൂർ വ്യായാമം; ഫിറ്റ്നസിന് രാം ചരണിന്റെ പതിവ്

തെന്നിന്ത്യയിൽ ഏറ്റവും താരമൂല്യമുള്ള നടനാണ് രാം ചരൺ. നൂറ് കോടിക്ക് മുകളിലാണ് താരം ഒരു ചിത്രത്തിന് പ്രതിഫലമായി വാങ്ങുന്നതെന്നാണ് റിപ്പോർട്ടുകൾ.

ശരീര സൗന്ദര്യത്തിലും ഫിറ്റ്നസ് നിലനിർത്തുന്നതിലും കൃത്യത സൂക്ഷിക്കുന്ന താരമാണ് രാംചരൺ. കൃത്യമായ ഡയറ്റും വ്യായാമവും താരം പിന്തുടരുന്നുണ്ട്.

സാധാരണക്കാർ മൂന്ന് നേരങ്ങളിലായാണ് ഭക്ഷണം കഴിക്കുന്നതെങ്കിൽ ദിവസവും രണ്ട് മൂന്ന് മണിക്കൂർ ഇടവേളയിലാണ് രാംചരണിന്റെ ഭക്ഷണ രീതി.

മെറ്റബോളിസം വർധിപ്പിക്കാനും ദിവസം മുഴുവൻ ഊർജത്തോടെ നിലനിർത്താനും ഇത് സഹായിക്കുന്നു.

കൂടാതെ, ആഴ്ച്ചയിൽ ആറ് ദിവസവും വ്യായാമവും താരത്തിന്റെ പതിവാണ്. കാർഡിയോ, വെയിറ്റ് ട്രെയിനിങ് എന്നിവയിൽ അധിഷ്ടിതമാണ് താരത്തിന്റെ വ്യായാമം.

ദിവസവും രണ്ട് മണിക്കൂർ വ്യാമത്തിനായി മാറ്റിവെക്കും. ആഴ്ച്ചയിൽ ആറ് ദിവസവും വ്യായാമം പതിവാണ്.

പഴം, പച്ചക്കറികൾ, മത്സ്യം, മാംസം, മുട്ട എന്നിവയെല്ലാം ഉൾപ്പെട്ടതാണ് ഭക്ഷണരീതി.

ജീവിതശൈലിയിലും അച്ചടക്കം പാലിക്കുന്ന നടനാണ് രാംചരൺ. മദ്യപാനം തീരെയില്ല. പഞ്ചസാര, പാക്കേജ്ഡ്, പ്രോസസ്ഡ് ഭക്ഷണങ്ങൾ എന്നിവ പൂർണമായും ഒഴിവാക്കും.