വാട്സ്ആപ്പിൽ നിങ്ങളെ ആരെങ്കിലും ബ്ലോക്ക് ചെയ്തോ? അറിയാൻ വഴിയുണ്ട്

ലാസ്റ്റ് സീൻ നോക്കാം: കോൺടാക്ട് ലിസ്റ്റിലുള്ള ആളുടെ ഓൺലൈൻ സ്റ്റാറ്റസോ അവസാനമായി കണ്ടതോ കാണാൻ കഴിയുന്നില്ലെങ്കിൽ നിങ്ങളെ ബ്ലോക്ക് ചെയ്തിരിക്കാം. സ്റ്റാറ്റസ് കാണുന്നതിനും ലാസ്റ്റ് സീൻ കാണുന്നതും മറച്ചു വെക്കാനുള്ള ഓപ്ഷൻ ഉള്ളതിനാൽ ബ്ലോക്ക് ചെയ്തിട്ടുണ്ടോ എന്ന് ഉറപ്പിക്കാൻ വേറെയും വഴികളുണ്ട്.

പ്രൊഫൈൽ ഫോട്ടോ: മറ്റൊരാളുടെ പ്രൊഫൈൽ ഫോട്ടോയോ സ്റ്റാറ്റസോ കാണാൻ കഴിയുന്നില്ലെങ്കിൽ ബ്ലോക്ക് ചെയ്തിട്ടുണ്ടെന്ന് സംശയിക്കാം. എന്നാൽ കോൺടാക്ടിലുള്ളവർക്ക് ഡിപി കാണാതിരിക്കാനുള്ള സൗകര്യം വാട്സ്ആപ്പിൽ ഉണ്ടെന്നതും മറക്കരുത്. ഇനിയും സംശയം മാറിയിട്ടില്ലെങ്കിൽ വേറേയും വഴികളുണ്ട്.

മെസേജ് അയച്ചതിനു ശേഷം ഡബിൾ ടിക് വരുന്നില്ലെങ്കിൽ അതിനർത്ഥം നിങ്ങളുടെ മെസേജ് അയച്ചയാൾക്ക് ലഭിച്ചിട്ടില്ലെന്നാണ്. മണിക്കൂറുകൾക്കു ശേഷവും മെസേജ് ഡെലിവേർഡ് ആയില്ലെങ്കിൽ നിങ്ങൾ ബ്ലോക്ക് ലിസ്റ്റിൽ ആയിരിക്കും.

വാട്സ്ആപ് കോളിലൂടെയും ബ്ലോക്ക് ചെയ്തിട്ടുണ്ടോ എന്ന് മനസ്സിലാക്കാം. കോളിംഗ് നില 'റിംഗിംഗ്' ആയി മാറിയില്ലെങ്കിൽ, നിങ്ങളെ ബ്ലോക്ക് ചെയ്‌തിരിക്കുന്നു എന്നാണർത്ഥം.

വാട്സ്ആപ്പ് ഗ്രൂപ്പ് ക്രിയേറ്റ് ചെയ്താൽ നിങ്ങളെ ബ്ലോക്ക് ചെയ്ത കോൺടാക്ടുകളെ ഗ്രൂപ്പിൽ ആഡ് ചെയ്യാൻ സാധിക്കില്ല.