കല്യാണത്തലേന്ന് വധു കാമുകനൊപ്പം പോയി: മുഹൂർത്തം തെറ്റാതെ മറ്റൊരു പെൺകുട്ടിയെ കണ്ടെത്തി വിവാഹം

മലപ്പുറം: കല്യാണത്തലേന്ന് വധു കാമുകനൊപ്പം ഒളിച്ചോടി. എന്നാൽ നിശ്ചയിച്ചുറപ്പിച്ച മുഹൂർത്തത്തിൽ മറ്റൊരു പെണ്‍കുട്ടിയെ കണ്ടെത്തി വിവാഹം നടത്തി.

തിരൂരങ്ങാടി സ്വദേശിയും വെളിമുക്ക് സ്വദേശിനിയായ പെണ്‍കുട്ടിയും തമ്മില്‍ നടക്കേണ്ട വിവാഹമാണ് മുടങ്ങിയത്. വ്യാഴാഴ്ചയായിരുന്നു വിവാഹം നിശ്ചയിച്ചത്. എന്നാൽ ബുധനാഴ്ച പെണ്‍കുട്ടി കാമുകനൊപ്പം ഒളിച്ചോടി.

ഇതോടെ വിവാഹം മുടങ്ങുമെന്ന് ഉറപ്പായി. എന്നാൽ മണിക്കൂറുകൾക്കുള്ളിൽ യുവാവിന് കൊടിഞ്ഞിയില്‍നിന്നുള്ള പെണ്‍കുട്ടിയെ വധുവായി ലഭിച്ചു.

നേരത്തെ നിശ്ചയിച്ചുറപ്പിച്ച മുഹൂർത്തത്തിൽ അതേ ഓഡിറ്റോറിയത്തില്‍ തന്നെ വിവാഹം നടത്തുകയും ചെയ്തും. ഇതിനിടെ ഒളിച്ചോടിയ പെണ്‍കുട്ടിയും കാമുകനും സ്റ്റേഷനില്‍ ഹാജരായി.