തദ്ദേശ ഉപതെരഞ്ഞെടുപ്പ്: തലശേരി നഗരസഭയിൽ BJP വാർഡ് UDF പിടിച്ചെടുത്തു

കണ്ണൂര്‍; തദ്ദേശ ഉപതിരഞ്ഞെടുപ്പില്‍ തലശേരി നഗരസഭയിലെ ബി.ജെ.പിയുടെ സിറ്റിംഗ് വാർഡ് യു.ഡി.എഫ് പിടിച്ചെടുത്തു. ടെംപിള്‍ ഗേറ്റ് വാര്‍ഡിലാണ് യു.ഡി.എഫ് വിജയിച്ചത്.

63 വോട്ടിന് ലീഗ് സ്ഥാനാർഥി സക്കരിയയാണ് വിജയിച്ചത്. യു.ഡി.എഫ് 663 വോട്ടുകള്‍ നേടിയപ്പോള്‍ 600 വോട്ടുകള്‍ മാത്രമെ ബി.ജെ.പിക്ക് നേടാനായുള്ളൂ.

187 വോട്ടു നേടിയ ഇടതു മുന്നണി മൂന്നാം സ്ഥാനത്തേക്ക് തള്ളപ്പെട്ടു. വാർഡ് അംഗമായിരുന്ന ഇ.കെ ഗോപിനാഥന്റെ നിര്യാണത്തെത്തുടര്‍ന്നാണ് ഉപതെരഞ്ഞെടുപ്പ് നടത്തിയത്.