SHOCKING | തൃശൂരില്‍ ഓടിക്കൊണ്ടിരുന്ന കാറിൽ അഗ്നിബാധ; ഡ്രൈവര്‍ മരിച്ചു

തൃശൂർ: കൊടുങ്ങല്ലൂര്‍ ചന്തപ്പുര- കോട്ടപ്പുറം ബൈപ്പാസില്‍ ഓടിക്കൊണ്ടിരുന്ന കാര്‍ കത്തിനശിച്ചു. ഡ്രൈവര്‍ വെന്തുമരിച്ചു. തുരുത്തി പ്പുറം സ്വദേശി ടൈറ്റസാണ് മരിച്ചത്.

ഇന്ന് രാവിലെ 10 മണിയോടെ ബൈപ്പാസില്‍ ഗൗരിശങ്കര്‍ ജംഗ്ഷഷന് തെക്കുവശം സര്‍വ്വീസ് റോഡിലാണ് സംഭവം.

ഗൗരിശങ്കര്‍ ജംഗ്ഷഷന്‍ കടന്നു വന്ന കാര്‍ തീപിടിച്ച് റോഡരികിലെ കാനയിലിടിച്ച് നിൽക്കുകയായിരുന്നു.

നാട്ടുകാരും പൊലീസും രക്ഷാപ്രവര്‍ത്തനത്തിന് ശ്രമിച്ചുവെങ്കിലും അതിനകം കാറിലുണ്ടായിരുന്നയാള്‍ മരിച്ചിരുന്നു.

അപകടത്തില്‍ കാറിന്റെ ഉൾഭാഗം പൂര്‍ണ്ണമായും കത്തിനശിച്ചു. മൃതദേഹം കൊടുങ്ങല്ലൂര്‍ താലൂക്ക് ആശുപത്രിയിലേക്ക് മാറ്റി.

കാറിനുള്ളില്‍ നിന്ന് പെട്രോള്‍ കുപ്പി പോലീസ് കണ്ടെടുത്തിട്ടുണ്ട്. കാര്‍ കത്തിയതാണോയെന്ന് പൊലീസ് അന്വേഷിക്കുന്നുണ്ട്.