മലപ്പുറത്ത് വാഹനാപകടം; 3 മരണം

കാർ നിയന്ത്രണം വിട്ട്‌ മതിലിൽ ഇടിച്ചുണ്ടായ  അപകടത്തിൽ മുന്നു പേർ തൽക്ഷണം മരിച്ചു. മോങ്ങം സ്വദേശി ബീരാൻ കുട്ടിയുടെ മകൻ ഉനൈസ്‌, കൊണ്ടോട്ടി സ്വദേശി അഹമദ്‌ കുട്ടിയുടെ മകൻ സനൂപ്‌, മൊറയൂർ സ്വദേശി അബ്ദുൽ റസാഖിന്റെ മകൻ ഷിഹാബുദീൻ എന്നിവരാണ് മരിച്ചത്.

പൂക്കോട്ടൂർ അറവങ്കരയിൽ പുലർച്ചെ 2.45 ഓടെയായിരുന്നു അപകടം.

ഫയർഫോഴ്സും പോലീസും നാട്ടുകാരും ചേർന്നാണു രക്ഷാപ്രവർത്തനം നടത്തിയത്.

മൃതദേഹങ്ങൾ മഞ്ചേരി മെഡിക്കൽ കോളേജ്‌ മോർച്ചറിയിൽ സൂക്ഷിച്ചിരിക്കുകയാണ്.