ദേശീയ കുറ്റാന്വേഷണ ഏജൻസി ചമഞ്ഞ് തട്ടിപ്പ്: മലയാളികൾ ഉൾപ്പെട്ട സംഘം അറസ്റ്റിൽ

ദേശീയ കുറ്റന്വേഷണ ഏജൻസി (NIA) ചമഞ്ഞ് തട്ടിപ്പ് നടത്തുന്ന സംഘം മംഗളൂരുവിൽ അറസ്റ്റിൽ.

മലയാളികൾ ഉൾപ്പെട്ട സംഘമാണ് അറസ്റ്റിലായത്.

പൊലീസിന് കിട്ടിയ രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് തട്ടിപ്പ് സംഘം പിടിയിലാകുന്നത്

4 മലയാളികളും മൂന്ന് കർണാടക മെഡിക്കേരി സ്വദേശികളും ഉൾപ്പെടുന്ന സംഘത്തിന്റെ തലവൻ മലയാളിയായ സാം പീറ്റർ ആണ്

നാഷ്ണൽ ക്രൈം ഇൻവെസ്റ്റിഗേഷൻ ബ്യൂറോ ഡയറക്ടർ എന്ന ബോർഡ് പതിച്ച നമ്പർ പ്ലേറ്റില്ലാത്ത കാർ ഇവരിൽ നിന്ന് പിടികൂടിയിട്ടുണ്ട്.

ഇവരിൽ നിന്ന് കൈത്തോക്കും എയർഗണ്ണും ഉൾപ്പെടെയുള്ള ആയുധങ്ങളും പിടിച്ചെടുത്തിട്ടുണ്ട്

മംഗ്ലരു ഉൾപ്പടെയുള്ള മേഖലയിൽ ഭീകരാക്രമണ ഭീഷണി നിലനിൽക്കുന്ന സാഹചര്യത്തിൽ പിടിയിലായവരെ പൊലീസ് വിശദമായി ചോദ്യം ചെയ്തിരുന്നു. ഇതിൽ നിന്നാണ് സാമ്പത്തിക തട്ടിപ്പ് നടത്തുന്നവരാണെന്ന് വ്യക്തമായത്.

ദേശീയ ചിഹ്നം ദുരുപയോഗം ചെയ്തതടക്കമുള്ള കുറ്റങ്ങൾ പ്രതികൾക്കെതിരെ ചുമത്തിയിട്ടുണ്ട്. പിടിച്ചെടുത്ത ആയുധങ്ങൾ ഫോറൻസിക് പരിശോധനക്കയക്കും.