ഇംഗ്ലണ്ടിനെതിരായ വനിതാ ടി20 പരമ്പര കൈവിട്ട് ഇന്ത്യ; രണ്ടാം മത്സരത്തിലെ തോല്‍വി 5 വിക്കറ്റിന്

ഗുവാഹത്തിയില്‍ ഇംഗ്ലണ്ടിനെതിരെ നടന്ന രണ്ടാം ടി20യില്‍ ഇന്ത്യന്‍ വനിതകള്‍ക്ക് അഞ്ച് വിക്കറ്റ് തോല്‍വി. ഇതോടെ മൂന്ന് മത്സരങ്ങളുടെ പരമ്പര ഇംഗ്ലണ്ട് 2 - 0 ത്തിനു സ്വന്തമാക്കി.

ഇന്ത്യയുയര്‍ത്തിയ 112 റണ്‍സ് വിജയലക്ഷ്യം അഞ്ച് പന്തുകള്‍ ബാക്കിനില്‍ക്കേയാണ് ഇംഗ്ലണ്ട് മറികടന്നത്. അര്‍ദ്ധ സെഞ്ചുറി നേടിയ ഡാനിയേല വ്യാറ്റാണ് ഇംഗ്ലണ്ടിന് അനായാസ ജയം സമ്മാനിച്ചത്.

ആദ്യം ബാറ്റ് ചെയ്ത ഇന്ത്യയ്ക്ക് 20 ഓവറില്‍ എട്ട് വിക്കറ്റ് നഷ്ടത്തില്‍ 111 റണ്‍സെടുക്കാനേ കഴിഞ്ഞുള്ളൂ. 20 റണ്‍സെടുത്ത മിതാലി രാജാണ് ഇന്ത്യയുടെ ടോപ് സ്‌കോറര്‍.

മറുപടി ബാറ്റിങ്ങില്‍ വ്യാറ്റ് പുറത്താകാതെ 55 പന്തില്‍ 64 റണ്‍സെടുത്തു. ഇന്ത്യക്കായി ഏക്ത രണ്ടും ദീപ്തി, രാധ, പൂനം എന്നിവര്‍ ഓരോ വിക്കറ്റും വീഴ്ത്തി.