KM മാണിക്ക് അന്ത്യാഞ്ജലി: കൊച്ചിയിൽ നിന്ന് പാലായിലേക്ക് വിലാപയാത്ര; കോട്ടയം വഴി

കേരളകോൺഗ്രസ് നേതാവ് കെ.എം മാണിയുടെ മൃതദേഹം വഹിച്ചു കൊണ്ടുള്ള വിലാപ യാത്ര ആരംഭിച്ചു

പ്രത്യേകം സജ്ജമാക്കിയ വാഹനത്തിൽ കൊച്ചിയിലെ ലേക് ഷോർ ആശുപത്രിയിൽ നിന്ന് കോട്ടയം വഴി പാലായിലെത്തും

തൃപ്പൂണിത്തുറ, പൂത്തോട്ട, വൈക്കം, തലയോലപ്പറമ്പ്, കടുത്തുരുത്തി, ഏറ്റുമാനൂർ വഴിയാണ് കോട്ടയം പാർട്ടി ഓഫിസിൽ എത്തിച്ചേരുന്നത്.ഇവിടെ അരമണിക്കൂറോളം അന്തിമോപചാരം അർപ്പിക്കാൻ അവസരമുണ്ട്

12.30 ന് തിരുനക്കര മൈതാനത്ത് പൊതുദർശനമുണ്ടാകും. രണ്ടിന് തിരുനക്കരയിൽ നിന്നും കളക്ടറേറ്റ്, മണർകാട്, അയർക്കുന്നം, കിടങ്ങൂർ, കടപ്ലാമറ്റം വഴി സ്വദേശമായ മരങ്ങാട്ട്പള്ളിയിൽ എത്തിക്കും.3.30 വരെ ഇവിടെ പൊതുദർശനം ഉണ്ടാകും.

തുടർന്ന് പാലാ മുനിസിപ്പൽ ടൗൺ ഹാളിൽ എത്തിക്കുന്ന മൃതദേഹം 4.30 ന് പൊതുദർശനത്തിനു വയ്ക്കും. ഇതിനു ശേഷം ആറിന് പാലായിലെ വീട്ടിലെത്തിക്കും

ഏപ്രിൽ 11 ന് ഉച്ചയ്ക്ക് രണ്ടിനാണ് സംസ്‌കാര ചടങ്ങുകൾ. പാലാ കത്തീഡ്രൽ പള്ളിയിലാണ് സംസ്‌കാരം

കെ.എം മാണിയുടെ നിര്യാണത്തെ തുടർന്ന് യുഡിഎഫിന്റെ കോട്ടയം മണ്ഡലത്തിലെ പ്രചാരണ പരിപാടികൾ ഇനിയൊരു അറിയിപ്പുണ്ടാകുന്നത് വരെ മാറ്റി വച്ചിരിക്കുകയാണ്