ഇളകുമോ യുഡിഎഫ് കോട്ടകള്‍; അഭിമാന പോരാട്ടത്തിനിറങ്ങുന്നത് ഇവര്‍

നാല് മണ്ഡലങ്ങളും നിലവിൽ യുഡിഎഫിന്റെ ശക്തി കേന്ദ്രമെന്നാണ് അറിയപ്പെടുന്നത്. അട്ടിമറി സ്വപ്നങ്ങളുമായി എൽഡിഎഫും അഭിമാന പോരാട്ടത്തിനായി എൻഡിഎയും ഇവിടെ പോരാട്ടത്തിനിറങ്ങുന്നു.

കോൺഗ്രസ് അധ്യക്ഷൻ രാഹുൽ ഗാന്ധിയുടെ സ്ഥാനർഥിത്വം കൊണ്ട് ദേശീയ ശ്രദ്ധ നേടിയ മണ്ഡലമാണ് വടകര. ഭൂരിപക്ഷം വർധിപ്പിക്കാൻ യുഡിഎഫ് ശ്രമിക്കുമ്പോൾ പിപി സുനിറിലൂടെ ശക്തി തെളിയിക്കാനാണ് എൽഡിഎഫ് രംഗത്തിറങ്ങുന്നത്. എൻഡിഎ കളത്തിലിറക്കിയത് ബിഡിജെഎസ് സംസ്ഥാന അധ്യക്ഷൻ തുഷാർ വെള്ളാപ്പള്ളിയെയാണ്.

രണ്ട് തവണ കോഴിക്കോട് എംപിയായി തിളങ്ങിയ എംകെ രാഘവനെ തന്നെയാണ് ഇത്തവണയും യുഡിഎഫ് കോഴിക്കോട് നിലനിർത്താൻ നിയോഗിച്ചിരിക്കുന്നത്. മണ്ഡലം പിടിച്ചെടുക്കാൻ എൽഡിഎഫ് നിയോഗിച്ചത് കോഴിക്കോട് എംഎൽഎയായ എ പ്രദീപ് കുമാറിനെയും. മലബാറിൽ എൽഡിഎഫ് പ്രതീക്ഷയർപ്പിക്കുന്ന മണ്ഡലങ്ങളിൽ ഒന്നാണ് കോഴിക്കോട്. വികെ പ്രകശ് ബാബുവിലൂടെ വോട്ടുവിഹിതം ഉയർത്താനാണ് എൻഡിഎ തയ്യാറെടുക്കുന്നത്.

മുസ്ലിം ലീഗിന്റെ ഉറച്ച കോട്ടയായ മലപ്പുറത്ത് ദേശീയ അധ്യക്ഷനായ കുഞ്ഞാലിക്കുട്ടി തന്നെയാണ് ഇത്തവണയും പോരാട്ടത്തിനിറങ്ങുന്നത്. എൽഡിഎഫിനായി സംസ്ഥാനത്തെ ഏറ്റവും പ്രായം കുറഞ്ഞ സ്ഥാനാർഥിയായ വിപി സാനുവും എൻഡിഎയ്ക്കായി ഉണ്ണികൃഷ്ണൻ മാസ്റ്ററും ജനവിധി തേടുന്നു

യുഡിഎഫിന്റെ ഉറച്ച കോട്ടയായ പൊന്നാനിയിൽ നിയമസഭാ തെരഞ്ഞെടുപ്പിലുണ്ടാക്കാൻ കഴിഞ്ഞ മുന്നേറ്റം അനുകൂലമാകുമെന്ന പ്രതീക്ഷയിലാണ് എൽഡിഎഫ്. സിറ്റിങ്ങ് എംപിയായ ഇടി മുഹമ്മദ് ബഷീർ യുഡിഎഫിനായി വീണ്ടും കളത്തിലിറങ്ങുമ്പോൾ എൽഡിഎഫിനായി പിവി അൻവറും എൻഡിഎയ്ക്കായി വിടി രമയും ജനവിധി തേടുന്നു