സ്ഥിരം നായകൻ ധോണിയില്ലാതെയാണ് ചെന്നൈ മത്സരത്തിനിറങ്ങിയത് 45 റണ്‍സെടുത്ത ഫാഫ് ഡൂപ്ലെസിയാണ് ചെന്നൈയുടെ ടോപ്‌സ്‌കോറര്‍   ഷെയ്ന്‍ വാട്‌സണ്‍ 31 റണ്‍സെടുത്തു. ഇരുവരുടെയും ബാറ്റിങ് പ്രകടനത്തിന്റെ മികവിൽ 132 റൺസാണ് ചെന്നൈ നേടിയത്. ഹൈദരാബാദിനായ് റാഷിദ് ഖാന്‍ രണ്ടും ഖലീല്‍ അഹമ്മദ്, ഷഹബാസ് സദീം, വിജയ് ശങ്കര്‍ എന്നിവര്‍ ഓരോ വിക്കറ്റും നേടി. അര്‍ധ സെഞ്ച്വറിയുമായി ആഞ്ഞടിച്ച ഡേവിഡ് വാര്‍ണറുടെയും (25 പന്തില്‍ 50) ജോണി ബെയര്‍സ്‌റ്റോയുടെയും (44 പന്തില്‍ 61) പ്രകടനമാണ് ഹൈദരാബാദിന് മികച്ച ജയം സമ്മാനിച്ചത്. വാര്‍ണര്‍ക്ക് പുറമെ കെയ്ന്‍ വില്യംസണ്‍ (3), വിജയ് ശങ്കര്‍ (7), ദീപക് ഹൂഡ (13) എന്നിവരുടെ വിക്കറ്റുകളാണ് ഹൈദരാബാദിന് നഷ്ടമായത്. 19 പന്തുകള്‍ ബാക്കിനിര്‍ത്തിയാണ് ഹൈദരാബാദ് ലക്ഷ്യം മറികടന്നത്.   കളിയിലെ താരത്തിനുള്ള പുരസ്കാരം ഡേവിഡ് വാർണർ സ്വന്തമാക്കി
