Aaron Jones: പത്ത് സിക്സുകൾ; 235 സ്ട്രൈക്ക് റേറ്റ്; ടി 20 ലോകകപ്പിൽ കാനഡയെ തകർത്ത യുഎസ്എ ബാറ്റർ ആരോൺ ജോൺസിനെ അറിയാം

ടി20 ലോകകപ്പിലെ ആദ്യമത്സരത്തിൽ കാനഡക്കെതിരെ ആതിഥേയരായ യുഎസ്എയ്ക്ക് തകർപ്പൻ ജയം. കാനഡ ഉയർത്തിയ 195 റൺസ് വിജയലക്ഷ്യം 14 പന്തുകൾ ബാക്കിനിൽക്കെ യുഎസ്എ മറികടന്നു. സൂപ്പർ ഷോട്ടുകളുമായി കളംനിറഞ്ഞ ആരോൺ ജോൺസാണ് യുഎസിന്റെ വിജയശിൽപി. (AP)

235 സ്ട്രൈക്ക് റേറ്റിൽ 40 പന്തുകളിലാണ് ആരോൺ ജോൺസ് 94 റൺസ് അടിച്ചുകൂട്ടിയത്. നാലു ഫോറുകളും പത്ത് സിക്സുകളും അടങ്ങിയതായിരുന്നു 29കാരനായ ആരോൺ ജോൺസിന്റെ ഉജ്ജ്വല ഇന്നിങ്സ്.  (AP Photo/Julio Cortez)

ബാർബഡോസിനായി പ്രൊഫഷണൽ ക്രിക്കറ്റ് കളിച്ച് വളർന്ന ജോൺസ് ഇംഗ്ലണ്ട് താരം ജോഫ്ര ആർച്ചറുടെ ബാല്യകാല സുഹൃത്താണ്. 1994 ഒക്ടോബർ 19 ന് ജനിച്ച ഈ വലംകൈ ബാറ്റർ 2017 ൽ തന്റെ ഫസ്റ്റ് ക്ലാസ് അരങ്ങേറ്റം നടത്തി, ഈ തലത്തിൽ ഏഴ് മത്സരങ്ങളിൽ നിന്ന് 342 റൺസ് നേടി. (AP Photo/Julio Cortez)

കരീബിയൻ രാജ്യങ്ങളിൽ ആഭ്യന്തര ക്രിക്കറ്റ് കളിച്ചതിന് ശേഷം, അന്താരാഷ്‌ട്ര തലത്തിൽ യുഎസ്എയെ പ്രതിനിധീകരിക്കാൻ ജോൺസ് യോഗ്യത നേടുകയും ആ ടീമിലെ ഒരു പ്രധാന താരമായി മാറുകയും ചെയ്തു. (AP)

കരീബിയൻ രാജ്യങ്ങളിൽ ആഭ്യന്തര ക്രിക്കറ്റ് കളിച്ചതിന് ശേഷം, അന്താരാഷ്‌ട്ര തലത്തിൽ യുഎസ്എയെ പ്രതിനിധീകരിക്കാൻ ജോൺസ് യോഗ്യത നേടുകയും ഒരു പ്രധാന താരമായി മാറുകയും ചെയ്തു.വേൾഡ് ക്രിക്കറ്റ് ലീഗ് ഡിവിഷൻ രണ്ടിൽ ജോൺസ് തന്റെ ആദ്യ സെഞ്ചുറി നേടി. 2019-ൽ യുഎസ്എയ്ക്ക് ഏകദിന പദവി നേടാൻ സഹായിച്ച മത്സരമായിരുന്നു ഇത്. (AP)

ഇതുവരെ 43 ഏകദിനങ്ങളിൽ നിന്ന് 36.35 ശരാശരിയിലും 70.78 സ്‌ട്രൈക്ക് റേറ്റിലും 1454 റൺസ് ആരോൺ ജോൺസ് നേടിയിട്ടുണ്ട്. ഒരു സെഞ്ചുറിയും 10 അർധസെഞ്ചുറികളുമാണ് താരം സ്വന്തം പേരിൽ കുറിച്ചത്.  (AP Photo/Julio Cortez)

2019 മാർച്ചിൽ ടി20യിൽ അരങ്ങേറ്റം കുറിച്ച അദ്ദേഹം ഇതുവരെ 27 മത്സരങ്ങളിൽ നിന്ന് 116.87 സ്‌ട്രൈക്ക് റേറ്റിൽ 478 റൺസ് നേടിയിട്ടുണ്ട്. രണ്ട് അർധസെഞ്ചുറികളും അടിച്ചു. ടി20 കരിയറിൽ ഇതുവരെ ആറ് വിക്കറ്റ് വീഴ്ത്തിയിട്ടുള്ള ജോൺസ് ഒരു പാർട്ട് ടൈം ലെഗ്സ്പിന്നർ കൂടിയാണ്. (AP)