HAPPY BIRTHDAY STEFFI GRAF: ടെന്നീസ് കോര്‍ട്ടിലെ റാണിക്ക് ഇന്ന് അന്‍പതാം പിറന്നാള്‍

ജര്‍മനിയുടെ മുന്‍ വനിത ടെന്നീസ് ഇതിഹാസം സ്റ്റെഫി ഗ്രാഫിന് ഇന്ന് അന്‍പതാം പിറന്നാള്‍.

സ്റ്റെഫാനി മരിയ ഗ്രാഫ് എന്ന മുഴുവന്‍ പേരുള്ള സ്റ്റെഫിയുടെ ജനനം 1969 ജൂണ്‍ 14 ന് ജര്‍മനിയിലെ ബ്രൂള്‍ എന്ന ചെറിയ പട്ടണത്തിലാണ്. പിതാവ് പീറ്റര്‍, മാതാവ് ഹൈഡി, സഹോദരന്‍ മിഖായേല്‍.

1982 മുതല്‍ 1999 വരെ ലോക ടെന്നീസ് അടക്കിവാണ വനിതാ താരമാണ് സ്റ്റെഫി ഗ്രാഫ്.

107 ലോക മത്സരങ്ങളില്‍ സ്റ്റെഫി വിജയം നേടിയിരുന്നു. അതില്‍ 22 ഗ്രാന്‍ഡ് സ്ലാം ടൂര്‍ണമെന്റുകള്‍. വിംബിള്‍ഡണ്‍ (7), ഫ്രഞ്ച് ഓപ്പണ്‍ (6), യുഎസ് ഓപ്പണ്‍ (5), ഓസ്‌ട്രേലിയന്‍ ഓപ്പണ്‍ (4)

എട്ട് തവണ ജര്‍മനി മികച്ച സ്‌പോര്‍ട്‌സ് താരം എന്ന ബഹുമതി നല്‍കി ആദരിച്ചു.