Manu Bhaker: ട്രിപ്പിൾ മെഡലെന്ന ചരിത്ര നേട്ടം നഷ്ടമായത് നേരിയ വ്യത്യാസത്തിൽ; മനു ഭാക്കർ 25 മീറ്റർ പിസ്റ്റളിൽ നാലാമത്

പാരിസ് ഒളിമ്പിക്സിൽ ഷൂട്ടിങ് റേഞ്ചിൽ ട്രിപ്പിൾ മെഡലുകളെന്ന ചരിത്രനേട്ടം ചെറിയ വ്യത്യാസത്തിന് മനു ഭാക്കറിന് നഷ്ടമായി. മെഡൽ വഴിയിൽ ഏറിയ പങ്കും മുന്നിലായിരുന്നെങ്കിലും അവസാന ഘട്ടത്തിൽ പിഴച്ചതോടെ 25 മീറ്റർ പിസ്റ്റളിൽ നാലാം സ്ഥാനത്തായി. ഈ ഒളിംപിക്സിൽ 2 മെഡൽ നേടി മനു നേരത്തേതന്നെ ചരിത്രം സൃഷ്ടിച്ചിരുന്നു. (Image Credit: AP)

25 മീറ്റർ പിസ്റ്റളിൽ ദക്ഷിണ കൊറിയയുടെ യാങ് ജിൻ സ്വർണം നേടി. ആതിഥേയ രാഷ്ട്രമായ ഫ്രാൻസിന്റെ കാമില്ല ജെദ്‌റെസ്കിയ്ക്കാണ് വെള്ളി. ഹംഗറി താരം വെറോനിക്ക മേജർ വെങ്കലം നേടി.

വെങ്കല മെഡലിനുള്ള പോരാട്ടത്തിൽ ഹംഗറിയുടെ വെറോനിക്കയോട് തോറ്റാണ് മനു ഭാക്കർ നാലാം സ്ഥാനത്തായത്. യോഗ്യതാ മത്സരത്തിൽ ഒളിമ്പിക് റെക്കോർ‍ഡിന് ഒപ്പമെത്തുന്ന പ്രകടനവുമായി ഒന്നാം സ്ഥാനത്തോടെയാണ് ഹംഗേറിയൻ താരം വെറോനിക്ക ഫൈനലിൽ കടന്നത്.

യോഗ്യതാ റൗണ്ടിൽ വെറും 2 പോയിന്റ് വ്യത്യാസത്തിലാണ് 25 മീറ്റർ പിസ്റ്റൾ വിഭാഗത്തിൽ മനു ഭാക്കർ രണ്ടാമതായിപ്പോയത്. ഒന്നാമതെത്തിയത് ഹംഗറിയുടെ വെറോനിക്ക മേജർ (592 പോയിന്റ്). മനു നേടിയത് 590 പോയിന്റ്.

യോഗ്യതാ റൗണ്ടിൽ വെറും 2 പോയിന്റ് വ്യത്യാസത്തിലാണ് 25 മീറ്റർ പിസ്റ്റൾ വിഭാഗത്തിൽ മനു ഭാക്കർ രണ്ടാമതായിപ്പോയത്. ഒന്നാമതെത്തിയത് ഹംഗറിയുടെ വെറോനിക്ക മേജർ (592 പോയിന്റ്). മനു നേടിയത് 590 പോയിന്റ്. (PTI)

2022ൽ ഏഷ്യൻ ഗെയിംസിലെ 25 മീറ്റർ പിസ്റ്റൾ ടീമിൽ സ്വർണം നേടിയ താരമാണ് മനു. 2023ൽ ബാക്കുവിൽ നടന്ന ലോക ചാമ്പ്യൻഷിപ്പിലും, ഭോപ്പാലിൽ നടന്ന ലോകകപ്പിലും, 25 മീറ്റർ പിസ്റ്റൾ വിഭാഗത്തിൽ മനു സ്വർണം നേടിയിരുന്നു.
. (Picture Credit: AP)