സച്ചിന് പോലും സ്വന്തമാക്കാനാകാത്ത മൂന്ന് നേട്ടങ്ങളുമായി രോഹിത് ശർമ്മ

ഒരു ടെസ്റ്റിൽ രണ്ട് സെഞ്ച്വറി- ഓപ്പണറായുള്ള ആദ്യ ടെസ്റ്റിൽ തന്നെ രണ്ട് ഇന്നിംഗ്സിലും സെഞ്ച്വറി നേടിയാണ് രോഹിത് വരവറിയിച്ചത്. ആദ്യ ഇന്നിംഗ്സിൽ 176 റൺസ് നേടിയ രോഹിത് രണ്ടാം ഇന്നിംഗ്സിൽ 127 റൺസാണ് നേടിയത്. 24 വർഷം നീണ്ട കരിയറിൽ 200 ടെസ്റ്റ് കളിച്ചിട്ടും സച്ചിൻ ഈ നേട്ടം കൈവരിക്കാനായില്ല.

ഒരു ടെസ്റ്റ് പരമ്പരയിൽ 500 റൺസ്- ഇത്രയും തിളക്കമാർന്ന കരിയറിൽ ഒരിക്കൽപ്പോലും ഒരു ടെസ്റ്റ് പരമ്പരയിൽ 500 റൺസ് എന്ന നേട്ടം കൈവരിക്കാൻ സച്ചിൻ സാധിച്ചില്ല. 2007-08ൽ ഓസ്ട്രേലിയയ്ക്കെതിരെ 493 റൺസാണ് സച്ചിന്‍റെ മികച്ച നേട്ടം. എന്നാൽ ദക്ഷിണാഫ്രിക്കയ്ക്കെതിരെ ഇപ്പോൾ നടക്കുന്ന പരമ്പരയിൽ രോഹിത് ഇതിനോടകം അടിച്ചുകൂട്ടിയത് 529 റൺസാണ്.

ഒരു പരമ്പരയിൽ മൂന്ന് സെഞ്ച്വറി- ദക്ഷിണാഫ്രിക്കയ്ക്കെതിരെ നടന്നുവരുന്ന പരമ്പരയിൽ രണ്ടു സെഞ്ച്വറികളും ഒരു ഇരട്ടസെഞ്ച്വറിയുമായാണ് രോഹിത് കുതിക്കുന്നത്. 132.25 ആണ് നിലവിൽ ഈ പരമ്പരയിൽ 132.25 ആണ് രോഹിതിന്‍റെ ശരാശരി. സെഞ്ച്വറികളുടെ തമ്പുരാൻ ആയിട്ടും സച്ചിൻ ഒരിക്കൽപ്പോലും ഒരു പരമ്പരയിൽ മൂന്ന് സെഞ്ച്വറി നേടാനായിട്ടില്ല. അതേസമയം ഒരു പരമ്പരയിൽ രണ്ട് സെഞ്ച്വറിയെന്ന നേട്ടം 11 തവണ സച്ചിൻ നേടിയിട്ടുണ്ട്.