advertisement

'സുഹൃത്തിനപ്പുറം ഒരു സഹോദരൻ' ഇസ്രായേൽ പാർലമെന്റിൽ പ്രധാനമന്ത്രി മോദിയെ പ്രശംസിച്ച് നെതന്യാഹു

Last Updated:

ഒൻപത് വർഷത്തിന് ശേഷം ഇസ്രായേലിലെത്തിയ പ്രധാനമന്ത്രി മോദിക്ക് ഭരണ-പ്രതിപക്ഷ ഭേദമില്ലാതെ പാർലമെന്റ് അംഗങ്ങൾ ഉജ്ജ്വല സ്വീകരണമാണ് നൽകിയത്

Rapid Read
News18
News18
പ്രധാനമന്ത്രി നരേന്ദ്ര മോദിയെ 'മഹാനായ സുഹൃത്ത്' എന്നും 'സഹോദരൻ' എന്നും വിശേഷിപ്പിച്ച് ബെഞ്ചമിൻ നെതന്യാഹു. ഇസ്രായേൽ പാർലമെന്റായ ക്നെസെറ്റിൽ സംസാരിക്കുകയായിരുന്നു അദ്ദേഹം. ഇന്ത്യയെ മഹത്തായ ശക്തി എന്നാണ് പാർലമെന്റിലെ പ്രസംഗത്തിൽ നെതന്യാഹു വിശേഷിപ്പിച്ചത്. ഒൻപത് വർഷത്തിന് ശേഷം ഇസ്രായേലിലെത്തിയ പ്രധാനമന്ത്രി മോദിക്ക് ഭരണ-പ്രതിപക്ഷ ഭേദമില്ലാതെ പാർലമെന്റ് അംഗങ്ങൾ ഉജ്ജ്വല സ്വീകരണമാണ് നൽകിയത്.
"എന്റെ പ്രിയ സുഹൃത്തേ നരേന്ദ്ര, നിങ്ങളുടെ സന്ദർശനത്തിൽ ഞാൻ വളരെയധികം വികാരാധീനനാണ്. ഇസ്രായേലിന്റെ വലിയ സുഹൃത്തായ, ഇന്ത്യ-ഇസ്രായേൽ സഖ്യത്തിന്റെ പോരാളിയായ, ലോകവേദിയിലെ മഹാനായ നേതാവായ താങ്കളുടെ സാന്നിധ്യം പോലെ എന്നെ മറ്റൊന്നും സ്പർശിച്ചിട്ടില്ല," നെതന്യാഹു പറഞ്ഞു.
മോദി വെറുമൊരു സുഹൃത്തല്ല, അതിനപ്പുറം ഒരു സഹോദരനാണെന്ന് പറയാൻ താൻ ആഗ്രഹിക്കുന്നുവെന്ന് അദ്ദേഹം പറഞ്ഞു. ഇന്ത്യയും ഇസ്രായേലും തമ്മിലുള്ള വ്യാപാരം ഇരട്ടിയായെന്നും പ്രധാന മേഖലകളിലെ സഹകരണം മൂന്നിരട്ടിയായി വർദ്ധിച്ചുവെന്നും അദ്ദേഹം കൂട്ടിച്ചേർത്തു. സത്യത്തിന് വേണ്ടിയും ഇസ്രായേലിന് വേണ്ടിയും നിലകൊള്ളുന്നതിന് അദ്ദേഹം മോദിയെ അഭിനന്ദിക്കുകയും ചെയ്തു.
advertisement
150 കോടിയോളം ജനങ്ങളുള്ള ഇന്ത്യ ഒരു വലിയ ശക്തിയാണെന്നും വലിപ്പത്തിൽ ചെറുതാണെങ്കിലും ഇസ്രായേലും ഒരു വലിയ ശക്തി തന്നെയാണെന്നും അദ്ദേഹം പറഞ്ഞു. ഈ സഖ്യം ഇരുരാജ്യങ്ങളുടെയും വ്യക്തിഗത ശക്തിയെയും കഴിവുകളെയും ഇരട്ടിപ്പിക്കുകയാണ് ചെയ്യുന്നത്. ലോകമെമ്പാടും യഹൂദ വിരുദ്ധത വർദ്ധിച്ചുകൊണ്ടിരിക്കുമ്പോഴും, ജൂതമതക്കാരെ ഒരിക്കലും പീഡിപ്പിക്കാതെ സ്വാഗതം ചെയ്ത സംസ്കാരമാണ് ഇന്ത്യയുടേതെന്നും അത് തങ്ങൾ മറക്കില്ലെന്നും നെതന്യാഹു പറഞ്ഞു.തീവ്രവാദ ഇസ്‌ലാമിനെ നേരിടാൻ രാജ്യങ്ങളുടെ ഒരു "ഉരുക്ക് സഖ്യം" (Iron alliance) ഇന്ത്യയും ഇസ്രായേലും ചേർന്ന് കെട്ടിപ്പടുക്കുമെന്നും അദ്ദേഹം പ്രഖ്യാപിച്ചു.
Click here to add News18 as your preferred news source on Google.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
മലയാളം വാർത്തകൾ/ വാർത്ത/World/
'സുഹൃത്തിനപ്പുറം ഒരു സഹോദരൻ' ഇസ്രായേൽ പാർലമെന്റിൽ പ്രധാനമന്ത്രി മോദിയെ പ്രശംസിച്ച് നെതന്യാഹു
Next Article
advertisement
'എന്റെ രാഷ്ട്രീയ നിലപാട് എന്നും പാർട്ടിയ്ക്കൊപ്പം' വിഎസിന്റെ മകൻ അരുൺകുമാർ
'എന്റെ രാഷ്ട്രീയ നിലപാട് എന്നും പാർട്ടിയ്ക്കൊപ്പം' വിഎസിന്റെ മകൻ അരുൺകുമാർ
  • അരുൺകുമാർ തന്റെ രാഷ്ട്രീയ നിലപാട് പാർട്ടിയ്ക്കൊപ്പം മാത്രമാണെന്നും അഭ്യൂഹങ്ങൾ വേദനാജനകമാണെന്നും പറഞ്ഞു

  • കമ്മ്യൂണിസ്റ്റുകാരൻ പാർട്ടിയുടെ സംഘടനാ തീരുമാനത്തെ അംഗീകരിക്കണമെന്ന് വ്യക്തമാക്കി.

  • മലമ്പുഴയടക്കമുള്ള മണ്ഡലങ്ങളെ കേന്ദ്രീകരിച്ച് തന്റെ രാഷ്ട്രീയ പ്രവേശം തെരഞ്ഞെടുപ്പുമായി ബന്ധമില്ലെന്ന് നിരസിച്ചു.

View All
advertisement