Saroj Khan | ബോളിവുഡ് നൃത്ത സംവിധായക സരോജ് ഖാൻ അന്തരിച്ചു

1948 ൽ ജനിച്ച സരോജ് ഖാൻ മൂന്നാം വയസ്സിൽ ബാലതാരമായിട്ടാണ് സിനിമാ ലോകത്ത് എത്തുന്നത്. പിന്നീട് നൃത്ത സംവിധാനത്തിലേക്ക് തിരിഞ്ഞു. നാല് പതിറ്റാണ്ടോളം ഈ മേഖലയിൽ സജീവമായിരുന്നു സരോജ് ഖാൻ.

മൂന്ന് തവണ ദേശീയ പുരസ്കാരം നേടിയ സരോജ് ഖാൻ രണ്ടായിരത്തിലധികം ഗാനങ്ങൾക്ക് ചുവടൊരുക്കിയിട്ടുണ്ട്.

[NEWS]ഓർമയുണ്ടോ ഈ മുഖം? കേരള പൊലീസിലെ പി സി കുട്ടൻപിള്ള വീഡിയോയുമായി വീണ്ടുമെത്തി? [NEWS]

ശ്രീദേവി, മാധുരി ദീക്ഷിത് തുടങ്ങിയ നായികമാരുടെ മനോഹര നൃത്തരംഗങ്ങളിൽ പലതും ഒരുക്കിയത് സരോജ് ഖാനാണ്. മിസ്റ്റർ ഇന്ത്യ (1987), നാഗിന(1986), തേസാബ്(1988), തനേദാർ(1990), എന്നീ ചിത്രങ്ങളിലെ ഗാനങ്ങൾക്ക് ചുവടൊരുക്കിയത് സരോജ് ഖാനാണ്.

2018 ൽ പുറത്തിറങ്ങിയ കലങ്ക് എന്ന ചിത്രത്തിലും മാധുരി ദീക്ഷിത്തിനായി സരോജ് ഖാൻ നൃത്ത സംവിധാനം ചെയ്തു. മാധുരി ദീക്ഷിത്തും ശ്രീദേവിയും ഗംഭീരമാക്കിയ ഹവാ ഹാവായി, ചാന്ദിനീ, തമാ തമ്മാ, ഏക് ദോ തീൻ, ധക് ധക് കർനേ ലഗാ തുടങ്ങിയ ഗാനങ്ങളുടെ ചുവടുകൾ സരോജ് ഖാന്റെ സംഭാവനയാണ്.