ഓർമയുണ്ടോ ഈ മുഖം? കേരള പൊലീസിലെ പി സി കുട്ടൻപിള്ള വീഡിയോയുമായി വീണ്ടുമെത്തി

ജൂണ്‍ ആറിനാണ് കേരളാ പൊലീസിന്റെ യൂട്യൂബ് ചാനലിലൂടെ ആദ്യഭാഗം പുറത്തുവന്നത്. പണി വരുന്നുണ്ട് അവറാച്ചാ എന്ന പേരിലുള്ള വീഡിയോ ഏഴ് മിനിറ്റ് ദൈര്‍ഘ്യമുള്ളതായിരുന്നു.

എന്നാൽ, ഇത്തവണ പിഴവുകളൊക്കെ തിരുത്തിയാണ് കേരള പൊലീസ് വീഡിയോയുമായി രംഗത്തെത്തിയത്. ആരെയും വ്യക്തിപരമായി ആക്ഷേപിക്കാതെ, യഥാർത്ഥ സംഭവങ്ങള്‍ വീഡിയോക്കായി പുനർനിർമിക്കുകയാണ് വീഡിയോയിലൂടെ. പി സി കുട്ടൻപിള്ളയുടെ മടങ്ങിവരവിനെ ഒട്ടേറെപേർ കൈയടികളോടെയാണ് വരവേൽക്കുന്നത്.

അതേസമയം, പി സി കുട്ടൻപിളളയുടെ രണ്ടാം വരവിന് യൂട്യൂബിൽ തിരിച്ചടി നേരിട്ടു. പകര്‍പ്പവകാശ ലംഘനം ചൂണ്ടിക്കാട്ടിയാണ് യൂട്യൂബ് ഈ വീഡിയോ വിലക്കിയിരിക്കുന്നത്. ഓര്‍മ്മയുണ്ടോ ഈ മുഖം എന്ന തലക്കെട്ടുമായി രണ്ടാം ഭാഗം എത്തുമെന്ന് നേരത്തെ ഒരു പ്രമോ വീഡിയോയിലൂടെ പുറത്തുവിട്ടിരുന്നു.