Also Read- തരൂർ, പൃഥ്വിരാജ് എന്നീ വൻമരങ്ങൾ വീണു! ഇനി ഇംഗ്ലീഷ് ഭാഷ പിഷാരടി ഭരിക്കും
മലയാളികളെ ഇംഗ്ലീഷ് പറഞ്ഞ് മലയാളികളെ ഞെട്ടിച്ച രണ്ട് പേരാണ് ശശി തരൂർ എം പിയും നടൻ പൃഥ്വിരാജും. ഇതുവരെ കേട്ടിട്ടില്ലാത്തെ വാക്കുകളും പ്രയോഗങ്ങളുമൊക്കെ ഇവരിലൂടെയാണ് പലരും ആദ്യമായി കേട്ടത്. ഇപ്പോഴിതാ ഇവർക്കു രണ്ടുപേർക്കും 'കടുത്ത' ഒരു എതിരാളി എത്തിയിരിക്കുകയാണ്. മറ്റാരുമല്ല രമേഷ് പിഷാരടി തന്നെ. പൃഥ്വിക്ക് പിറന്നാൾ ആശംസകൾ നേർന്നു കൊണ്ടാണ് രമേഷ് പിഷാരടി തന്‍റെ ഇംഗ്ലീഷ് ഭാഷാ പ്രാവീണ്യം പുറത്തുകാട്ടിയത്. ഇതിനുപിന്നാലെ ചറപറാ വീണ്ടും വന്ന് പിഷാരടി വക ഇംഗ്ലീഷ് ക്യാപ്ഷനുകൾ. ഇതോടെ രമേഷ് പിഷാരടിക്ക് പെട്ടെന്ന് എന്തുപറ്റിയെന്ന അന്വേഷണത്തിലാണ് സോഷ്യൽ മീഡിയ.
advertisement
Also Read- പൃഥ്വിരാജുമായി സമ്പർക്കം: താൻ ക്വറന്റീനിലെന്ന് നടൻ സുരാജ് വെഞ്ഞാറമൂട്
"Its my fortuitous fortune to send bounteous felicitations for an exultant, effulgent and baronial Birthday, to a compadre like you"-ഇതായിരുന്നു പൃഥ്വിരാജിന് രമേഷ് പിഷാരടി നൽകിയ പിറന്നാള്‍ ആശംസ. ഇതിന് പിന്നാലെ കമന്റുകളുമായി ആരാധകരെത്തി. ‘ഇന്നലെ ശശി തരൂരിനെ കണ്ടിരുന്നു അല്ലെ പിഷു? വാട്ട് ആൻ ബോംബാസ്റ്റിക് ആശംസ’, “ഇത് കണ്ട പൃഥ്വിരാജ്: എനിക്കറിയാത്ത ഇംഗ്ലീഷോ! ഇവനെ ഇനിയും വളരാൻ അനുവദിച്ചുകൂടാ’,സൗത്ത് ഇന്ത്യയിൽ ഇംഗ്ലീഷ് പറയുന്ന ഏക മിമിക്രിക്കാരൻ എന്നിങ്ങനെ നിരവധി പ്രതികരണങ്ങളാൽ നിറഞ്ഞു.
ഇന്നലെ ഭാര്യയ്ക്ക് പിറന്നാള്‍ ആശംസ നേർന്നുകൊണ്ടുള്ള പിഷാരടിയുടെ പോസ്റ്റും ഇംഗ്ലീഷിൽ തന്നെ. 'Woman on my shoulder is getting older..' എന്നാണ് ഭാര്യയ്ക്കൊപ്പമുള്ള ചിത്രത്തിനൊപ്പം പിഷാരടി പങ്കുവെച്ചത്.
ഇതിനു പിന്നാലെ ഇട്ട മറ്റൊരു പോസ്റ്റ് ഇങ്ങനെ- If you are the smartest person in the room,Then you are in the wrong room.
'രാജുവേട്ടന്റെ പോസ്റ്റ് നു ക്യാപ്ഷൻ ഇടനായി എടുത്ത ഇംഗ്ലീഷ് ട്രാൻസ്ലേറ്റർ കളഞ്ഞില്ല അല്ലെ', 'ആ ഇംഗ്ലീഷ് ഡിക്ഷണറി വലിച്ചെറിഞ്ഞ് നല്ലവനായ ഉണ്ണിയായി , പഴയ മലയാള Caption King ആയി മടങ്ങി വരൂ സഹോ....😍😁' എന്നിങ്ങനെ പോകുന്നു രസകരമായ കമന്റുകൾ.